Osy áreketti jasamaq bolǵan er adam ustaldy, dep habarlaıdy Almaty-akshamy.kz Polisia.kz-ke silteme jasap.
Almaty oblysynyń QAJD qyzmetkerleri tyıym salynǵan zattardy kolonıaǵa laqtyrý faktisiniń aldyn aldy. Almaty qalasy, Almaty jáne Jetisý oblystary boıynsha QAJD-ǵa qarasty №12 mekeme qyzmetkerleri tyıym salynǵan zattardy kolonıa aýmaǵyna laqtyrmaq bolǵan er adamdy ustady. Oqıǵa ornynan skochpen oralǵan 5 túıinshek anyqtaldy.
Túıinshekterdiń ishinen ár túrli markaly 15 telefon, 3 qulaqqap, 1 symsyz qulaqqap, wi-fi roýter, 1 symsyz zarádtaǵysh qurylǵy jáne 0,5 lıtr kóleminde quramynda alkogól bar zat tárkilendi. Ustalǵan adamnyń jeke basy anyqtalyp, bolǵan jáıtqa qatysty materıaldar Qonaev qalasynyń polısıa bólimine jiberildi.