"Almaty - bizdiń ortaq úıimiz" kampanıasy aıasynda Býtakovkaǵa qalanyń ekologıa jáne qorshaǵan orta basqarmasynyń "Medeý" memlekettik óńirlik tabıǵı parki qyzmetkerleriniń qoldaýymen 500 jemis aǵashy - órik otyrǵyzyldy.
Mekeme dırektorynyń orynbasary Uzaq Myqıtanovtyń aıtýynsha, bul atalǵan ýchaskede jasyl jelekter alǵashqy ret otyrǵyzylyp otyrǵan joq. Ótken jyly Sıvers alma aǵashtarynyń myń kósheti otyrǵyzyldy, dep habarlaıdy Almaty-akshamy.kz.
"Bıylǵy jyly tańdaý órik kóshetterine tústi, óıtkeni olar taýly aımaqtaǵy klımattyq jaǵdaılarǵa jaqsy beıimdelgen. Órik kóshetterin otyrǵyzý aldynda tamyrlar keýip qalmas úshin arnaıy boltýshkalarda (jer men sý) ustadyq", - dep bólisti ol.
"Medeý" tabıǵı parki qyzmetkerlerinen basqa, aǵash otyrǵyzýǵa oblystyq jáne qalalyq Ekologıa basqarmalarynyń, Medeý aýdany ákimdigi men prokýratýrasynyń qyzmetkerleri, sondaı-aq ekoaktıvıster men eriktiler qatysty.
"Keshe biz ardagerleri jáne zeınetkerlerimen birge senbilik ótkizdik. Biz osy aksıalardy jalǵastyryp, barlyǵyn qalany abattandyrý men kógaldandyrýdy qadaǵalaýǵa shaqyramyz", - dedi stýdenttik ekopatrýldiń basshysy Ádil Nurpeıisov.
Eske salsaq, "Almaty – bizdiń ortaq úıimiz" naýqany 8 sáýirde bastaldy. Árbir turǵyn megapolısti damytýǵa jáne kógaldandyrýǵa óz úlesin qosa alady.
Barlyq aqparat almaty.kz saıtynda, Almaty ákimdiginiń áleýmettik jelilerinde ornalastyrylǵan. Sondaı-aq, veb-saıtqa qala boıynsha ornalastyrylǵan bannerlerge, posterler men afıshalarǵa arnaıy QR-kod arqyly kirýge bolady.
Naýqannyń belsendi qatysýshylary úshin áleýmettik jelilerdegi heshtegter:
#AlmatyNashObshııDom, #NasMnogoGorodOdın, #AlmatyBizdińOrtaqÚıimiz, #BizKóppizQalajalǵyz.