Aǵymdaǵy jyly óńirdegi egis alqaptarynyń aýdany 427,7 myń gektarǵa jetedi, bul 2024 jylmen salystyrǵanda 3,8 myń gektarǵa artyq.
Negizgi ósim dándi jáne jemshóp daqyldaryna tıesili. Ylǵaldy jabý boıynsha kóktemgi jumystar 357,2 myń gektarǵa josparlanǵan, dep habarlaıdy aqshamnews.kz
Ósimdik sharýashylyǵyn qoldaý úshin jergilikti búdjetten 3,4 mlrd teńge bólindi. Qarajat tuqym sharýashylyǵyn damytýǵa, basym daqyldardy qoldaýǵa jáne tyńaıtqyshtardy sýbsıdıalaýǵa baǵyttalady. Sýarý sýynyń qunyn arzandatýǵa 750 mln teńge bólindi.
«Keń dala» baǵdarlamasy aıasynda sharýalarǵa 15,7 mlrd teńge somasynda jeńildikti nesıeler berildi. Qazirgi ýaqytta «Agrarlyq nesıe korporasıasy» AQ sharýashylyqtardan 1,3 mlrd teńge somaǵa 36 ótinim berildi.
Almaty oblysynda kóktemgi egis jumystaryna daıyndyq qarqyndy júrip jatyr, fermerler qajetti tuqymdarmen qamtamasyz etildi. Jeńildetilgen baǵamen 4 650 tonna dızel otyny bólindi – lıtrine 250 teńge, munaı bazalarynan jóneltý 20 naýryzda bastalady.
Oblysqa 16,0 myń tonna mıneraldy tyńaıtqyshtar ákelindi, qosymsha 77 sharýashylyq «QazAzot» AQ-men 1 334 tonna tyńaıtqysh jetkizýge shart jasasty. Jalpy, mıneraldy tyńaıtqyshtardy qoldaný kólemi bıyl 25% - ǵa artyp, 60,8 myń tonnaǵa jetedi.
Aýyl sharýashylyǵy tehnıkasyn jańartý ózekti mindet bolyp qala beredi: oblysta tehnıkanyń 58%-y 25 jyldan astam ýaqyt boıy paıdalanylyp keledi. Osyǵan baılanysty 2025 jyly lızıńke 665 birlik jańa aýyl sharýashylyǵy tehnıkasyn satyp alý josparlanýda.
Sý únemdeý tehnologıalaryn engizý boıynsha jumystar kúsheıtiledi: bul kórsetkishti 93,6 myń gektarǵa deıin jetkizý josparlanýda.