Klýbqa birneshe adamnyń ómirin órtten qutqaryp qalǵan Asqar Zabıkýlınniń aty berilgen.
Almaty oblysy Uıǵyr aýdanynyń Shonjy aýylynda «Jas órt sóndirýshiler» áskerı-patrıottyq klýbynyń saltanatty ashylýy ótti, dep habarlaıdy Almaty-akshamy.kz Almaty oblystyq TJD baspasóz qyzmetine silteme jasap.
İs-sharaǵa batyrdyń jubaıy, týystary men dostary qatysty.
Áskerı-patrıottyq klýbty ashýdyń maqsaty óskeleń urpaqty azamattyq-patrıottyq turǵysynda tárbıeleý bolyp tabylady. Búgingi kúnniń batyry, I dárejeli «Aıbyn» ordeniniń ıegeri Asqar Serikuly Zabıkýlınniń batyldyǵy men erligin tanystyra otyryp, bilim alýshylardyń týǵan halqyna degen qurmeti men súıispenshiligin tárbıeleý, maqtanysh pen patrıottyq sezimderin oıatý, ulttyq rýhta tárbıeleý.
Bolashaqta áskerı-patrıottyq klýbty tolyqqandy beıindi synyp retinde qalyptastyrý josparlanýda.