Bıyl biryńǵaı jınaqtaýshy zeınetaqy qoryndaǵy salymshylar jınaǵynyń jalpy somasy 15,1 trıllıon teńgege jetti.
Ranking.kz portalynyń dereginshe, byltyrǵy osy ýaqytpen salystyrǵanda zeınetaqy jınaqtarynyń kólemi birden 11,4%-ke nemese 1,5 trıllıon teńgege ósti. Kórsetkishtiń ósýi jarnalar túrindegi kiris aǵyndary, sonymen qatar ınvestısıalyq kiris esebinen qalyptasty.
- Mindetti zeınetaqy jarnalary boıynsha jınaq kólemi 11,1%-ke artyp, 14,7 trıllıon teńgege jetti. Bul qazaqstandyqtardyń barlyq jınaqtarynyń 97%-i.
- Mindetti kásiptik zeınetaqy jarnalary boıynsha zeınetaqy jınaqtary bir jylda 21%-ke artyp, 466,4 mıllıard teńgege jetti.
Óńirler boıynsha zeınetaqy jınaqtarynyń eń kóp mólsheri Almatyda — 2,8 trıllıon teńge nemese respýblıkadaǵy jalpy kólemniń 18,5%-i. Odan keıin Astana — 1,4 trıllıon teńge. Úzdik úshtikti Qaraǵandy oblysy túıindedi — 1,2 trıllıon teńge.
Zeınetaqy jınaqtarynyń kólemi boıynsha kósh bastaǵan bes aımaqqa Shymkent qalasy (1,2 trıllıon teńge) men Shyǵys Qazaqstan oblysy (832,5 mıllıard teńge) da kirdi.