Almaty oblysynyń taýlarynda 15 – 18 sáýir kúnderi qar kóshkini júrý qaýpi saqtalady.
Qar kóshkini qaýpine baılanysty Almaty oblysynyń tótenshe jaǵdaılar departamenti azamattardan, týrıser men demalýshylardan qarly betkeıge shyqpaýdy surap, taýly jerde búkil qaýipsizdik sharalaryn saqtaýǵa shaqyrdy, dep habarlaıdy Almaty-akshamy.kz.
«Almaty oblysynyń aýmaǵynda İle Alataýy taýlarynyń ońtústik betkeıinde Eńbekshiqazaq, Talǵar jáne Qarasaı aýdandarynda kóshkin qaýpi bar 55 ýchaske bar. Negizinen qar kóshkininiń túsýi temperatýra fonynyń joǵarylaýyna jáne jańbyr men qardyń mol túsýine baılanysty bolady», - dep eskertti Almaty oblysynyń tótenshe jaǵdaılar departamenti.
Sınoptıkterdiń boljaýynsha óńirde aýa temperatýrasy +18 gradýsqa deıin kún jylynady.