Almatyda «Almaty – bizdiń ortaq úıimiz» naýqany aıasynda júgirýdi qoqys jınaýmen biriktiretin qozǵalys ótti. İs-shara ótetin jerde qatysýshylarǵa qoqys paketi men qolǵap usynyldy, dep habarlaıdy almaty-akshamy.kz
Aıta ketý kerek, is-sharaǵa 100-den astam adam qatysty. Júgirý kanal mańynda bastaldy, qatysýshylar marshrýttyń uzyndyǵy shamamen 6 shaqyrym bolatyn toǵaı boıymen úlken aınalym jasady.
-Ózderińiz biletindeı, Almatyda qala ákiminiń bastamasymen ekologıaǵa beı-jaı qaramaıtyn megapolıs turǵyndary men qonaqtary úshin «Almaty - bizdiń ortaq úıimiz» naýqany bastaldy. Aksıa barysynda barlyq qoqys tazartyldy. Ekstremaldy atletıka, «Birinshi bolý batyldyq» qory, sondaı-aq Almaty turǵyndary atynan sport qoǵamdastyqtary belsendi qatysady. Meniń oıymsha, ploggıng óte jaqsy ótti. Ekologıa turǵysynan almatylyqtardyń mádenıeti óte joǵary. Qazaqstan boıynsha Almaty jasyl jelekboıynsha kóshbasshy bolyp tabylady. Qala turǵyndary ekologıa úshin alańdaıtynyn jáne ekoaksıalarǵa qatysatynyn atap ótkim keledi. Almatylyqtar naýqandy óte jaqsy qabyldady, bul qýanyshty jaıt, - dedi Almaty qalasy sport basqarmasy basshysynyń orynbasary Bekjan Onjan.
-Ploggıng – bul jaı ǵana júgirmeı, aınalany qoqystan tazartý. Toǵaıdaǵy barlyq soqpaqty qamtydyq. Biz halyqaralyq tájirıbeni qoldandyq - adamdar sportty áleýmettik jaýapkershilikpen biriktiredi. Biz pandemıaǵa deıin ekoplogıng jasadyq, endi qaıtadan osy qozǵalysty bastadyq. Eń kemi úsh ploggıng ótkizýdi josparlap otyrmyz, biraq olardyń sanyn kóbeıtý kerektigin oılanamyz. Meniń oıymsha, ekologıaǵa qamqorlyq jasaý óte durys nárse, bul adamdardy qoqysqa tastamaýǵa úıretedi. «Tazalyq jınaǵan jerde emes, saqtaǵan jerde» degen. Jalpy, mundaı aksıalar adamdardy kóptep tartýǵa, mádenıetti bolýdy úıretýge múmkindik beredi. Ol osyndaı jobalar arqyly júzege asady, - dedi «Almaty marafony» kompanıasynyń operasıalyq dırektory Erjan Birimjanov.
Almatylyq sport klýbynyń jattyqtyrýshysy Elvıra Zvereva qaladaǵy ekologıalyq qozǵalysty qoldaýǵa keldi.
– Qorshaǵan ortanyń taza ári ádemi bolǵanyn qoldaımyn. Adamdar qoqys shyǵarýǵa jáne ne istep jatqanyna sanaly túrde qaraýy úshin kerek. Menińshe, adam qoqysty tastaýdyń sońy nege ákeletinin kórse, kelesi joly jaýapkershilikpen qaraıdy. Mundaı is-sharalar jurtshylyqty ekologıa máselesine jáne qalada tazalyqty saqtaýǵa tartady, - dedi ol.
Erikti retinde ploggıng ótkizýge Ivan Krasnov qol ushyn sozyp, uıymdastyrýshylyq jaǵyna kómektesti.
– Men jarystarǵa jıi qatysamyn, sondaı-aq erikti bolýǵa tyrysamyn. Bul sportshylarǵa kómek jáne olardyń árqaısysy jarys ótkizýge úles qosyp, olarǵa prosesti jeńildetýi kerek dep sanaımyn. Jaryspen qatar ploggıng ótkizýdi uıǵardyq. Jarystan keıin qoqys jınaımyz. Jalpy, bizdiń turǵyndardyń ekologıaǵa degen kózqarasy óte tómen deńgeıde. «Ekologıa» jáne «ekologıalyq» uǵymy bizdiń qala turǵyndaryna jat. Birneshe metr jerde qoqys jáshigi tursa da, qoqysty jerde tastaı salady. Adamdar qoqysty qaıda tastaý kerektigin túsinbeıdi. Olardyń oıynsha artynan bireý tazalaýy kerek. Olar ulttyq saıabaqtarda aqsha tólegesin jınaýy kerek dep sanaıdy. Bul bizde mektep qabyrǵasynda, ýnıversıtetterde de aıtylmaıdy. Sondyqtan men ekoıdeıalardy jappaı nasıhattaý kerek dep sanaımyn, múmkin sol kezde halyqtyń sanasy oıanyp, ózderi artyn jınap júredi, – dedi almatylyq Ivan Krasnov.
Esterińizge sala keteıik, 8 sáýir men 8 mamyr aralyǵynda Almatyda «Almaty – bizdiń ortaq úıimiz» naýqany ótip jatyr. Árbir turǵyn qalanyń damýy men abattandyrylýyna óz úlesin qosa alady.
Barlyq aqparat almaty.kz saıtynda, Almaty ákimdiginiń áleýmettik jelilerinde ornalasqan. Sondaı-aq, veb-saıtqa arnaıy QR-kod arqyly qala boıynsha ornalastyrylǵan bannerlerde, plakattarda jáne afıshalarda kirýge bolady.
Naýqannyń belsendi qatysýshylaryna arnalǵan áleýmettik jelidegi heshtegter: #AlmatyNashObshııDom, #NasMnogoGorodOdın, #AlmatyBizdińOrtaqÚıimiz, #BizKóppizQalajalǵyz.