Almaty oblysynyń ákimi Marat Sultanǵazıevtiń ókimimen Altaı Dosymbaev Eńbekshiqazaq aýdanynyń ákimi bolyp taǵaıyndaldy. Aýdan basshysyn óńir aktıvine tanystyrý barysynda Marat Sultanǵazıev ákimdik aldynda turǵan birqatar máseleni atap ótti, dep habarlaıdy Almaty-akshamy.kz.
«Altaı Máshikulynyń memlekettik qyzmette tájirıbesi mol, onyń ústine aýdan tirshiligimen etene tanys»,- degen Marat Eleýsizuly aýdan ákimdigi nazar aýdarýy tıis sharalarǵa toqtaldy.
«Eńbekshiqazaq aýdany - agrarlyq salaǵa den qoıǵan aýmaq. Sondyqtan, birinshi kezekte aldaǵy jıyn-terim naýqanyn durys ótkizý qajet. Sonymen birge, aýdanǵa ınvestor tartý jumysyn jandandyrý kerek. Almaty irgesinde ornalasqan óńirdiń áleýeti tolyq paıdanylmaı keledi»,- dep atap ótti aımaq basshysy.
Altaı Máshikuly 1962 jyly 10 aqpanda Almaty oblysy Shelek aýdany Qaraturyq aýylynda dúnıege kelgen.
Bilimi joǵary, 1988 jyly Qazaq aýylsharýashylyq ınstıtýtyn ekonomıs mamandyǵy boıynsha oqyp bitirgen.
Eńbek jolyn 1979 jyly Almaty oblysy Shelek aýdany Qaraturyq sovhozynda jumysshy bolyp bastaǵan.
1980-1982 jyldary Sovet Armıasy qatarynda qyzmet atqardy. 1982-1983 jyldary Almaty oblysy Shelek aýdany A. Sattarov atyndaǵy sovhozda jumysshy.
1988-1992 jyldary Almaty oblysy Shelek aýdany «Asy» temeki sovhozynda ekonomıs, bas ekonomıs, kásipodaq komıtetiniń tóraǵasy.
1992-1995 jyldary Almaty oblysy Eńbekshiqazaq aýdany «Alekseevskıı» asyl tuqymdy qus sovhozy dırektorynyń orynbasary.
1997-1999 jyldary Almaty oblysy Eńbekshiqazaq aýdany «Alekseevka» «Altyn dıirmen» JSHS asyl tuqymdy qus fabrıkasy dırektorynyń orynbasary, dırektorynyń mindetin atqarýshy.
1999-2002 jyldary Almaty oblysy Eńbekshiqazaq aýdandyq ekonomıka bóliminiń bastyǵy.
2002-2003 jyldary Almaty oblysy, Eńbekshiqazaq aýdany «NASS» JSHS qarjy salasy dırektory.
2003-2005 jyldary «Aqjol» JSHS dırektorynyń orynbasary. 2005-2008 jyldary Shelek selolyq okrýginiń ákimi.
2008 jyldan qazirgi ýaqytqa deıin Eńbekshiqazaq aýdany ákiminiń orynbasary qyzmetin atqaryp keldi.