Almaty ákimi Darhan Satybaldy Ortalyq Azıa men Ázerbaıjan boıynsha Ulybrıtanıanyń Saýda ókili, lord Djon Alderdaıspen kezdesti.
Kezdesý barysynda taraptar saýda-ekonomıkalyq jáne ınvestısıalyq baılanystardy damytý, sondaı-aq Almaty men Ulybrıtanıa arasyndaǵy iskerlik jáne gýmanıtarlyq yntymaqtastyqty nyǵaıtý máselelerin talqylady.
Darhan Satybaldy atap ótkendeı, Qazaqstan men Ulybrıtanıa arasyndaǵy dostyq jáne ózara senimge negizdelgen qarym-qatynastarǵa 30 jyldan asty. Búginde bul baılanystar naqty seriktestik aıasynda tabysty damyp keledi.
«2025 jyldyń jeti aıynda Almaty men Ulybrıtanıa arasyndaǵy ózara saýda aınalymy 125 mln AQSH dollaryn qurady. Sonymen qatar týrısik baǵyt ta belsendi damyp keledi. Bıyl Almatyǵa Ulybrıtanıadan kelgen týrıser sany 6 myńnan asty, bul eldi sheteldik 11 negizgi týrısik baǵyttyń qataryna engizdi», – dedi qala ákimi.
Óz kezeginde lord Alderdaıs Ulybrıtanıa tarapynan saýda, bilim, ınovasıa jáne ornyqty qalalyq damý salalarynda áriptestikti keńeıtýge múddelilik bar ekenin atap ótti. Onyń aıtýynsha, Almatyda birlesken jobalardy júzege asyrýǵa zor áleýet bar.
Kezdesý qorytyndysy boıynsha taraptar ózara yntymaqtastyqty nyǵaıtýǵa jáne Almaty men Ulybrıtanıa arasyndaǵy seriktestikti damytýǵa baǵyttalǵan ortaq jobalardy iske asyrýǵa daıyn ekenin bildirdi.