İshki ister mınıstrligi jarıalaǵan profılaktıka jyly aıasynda Almaty qalasynyń aýmaǵynda “Qaýipsiz jol” jedel-profılaktıkalyq is-sharasy jalǵasýda.
Sharanyń basty maqsaty – jol qozǵalysyna qatysýshylardyń tártip deńgeıin arttyrý, azamattardyń ómiri men densaýlyǵyna naqty qaýip tóndiretin óreskel quqyq buzýshylyqtardyń aldyn alý jáne jolyn kesý. Profılaktıkalyq jumys zańdylyq, ashyqtyq jáne adam ómiriniń basymdyǵy qaǵıdattaryna negizdeledi, dep habarlaıdy aqshamnews.kz Polisia.kz-ke silteme jasap.
İs-shara bastalǵaly beri Almaty qalasynda jol qozǵalysy salasynda 52 myńnan astam quqyq buzýshylyq anyqtaldy.
Jıi kezdesetin quqyq buzýshylyqtar qatarynda:
• Manevr jasaý erejelerin buzýdyń 3 myńnan astam deregi;
• Qarama-qarsy baǵytqa shyǵýdyń 222 jaǵdaıy;
• Baǵdarshamnyń tyıym salatyn belgisinen ótip ketýdiń 453 deregi;
• 439 júrgizýshi kólikti mas kúıde basqarǵany úshin ustaldy;
• Júrgizýshi kýáliginsiz kólikti basqarǵan 2 myń 162 júrgizýshi;
• 2775 kólik aıyppul turaǵyna qoıyldy, onyń ishinde 935 moped bar.
Almaty qalasynyń jergilikti polısıa qyzmeti azamattardy jol qozǵalysy erejelerin qatań saqtaýǵa shaqyrady.
— Joldaǵy árbir quqyq buzýshylyq — bul áleýetti qaıǵyly jaǵdaı. Bizdiń sharalarymyz tek quqyq buzýshylardy anyqtaýǵa emes, sonymen qatar jol-kólik oqıǵalarynyń aldyn alýǵa baǵyttalǵan. Jol qozǵalysy erejeleri – bul jaı ǵana formaldylyq emes, sizdiń jáne aınalańyzdaǵy adamdardyń qaýipsizdiginiń naqty kepili. Barsha jol qozǵalysyna qatysýshylardy Zańdy saqtaýǵa jáne jolda bir-birine qurmetpen qaraýǵa shaqyramyn, — dedi Almaty qalasy PD jergilikti polısıa qyzmeti basqarmasynyń bastyǵy Serik Shýmaev.