Oqý-aǵartý mınıstrliginiń málimeti boıynsha «Keleshek mektepteri» jobasy aıasyndaǵy 217 mektep qurylysyna 1,5 trln teńge qarastyrylǵan.
Bul mektepterdiń jartysyna jýyǵy aýyldyq jerlerde boı kóteredi. Ol aýyldarda 200 myńnan astam bala bar. Iaǵnı, joba qala men aýyl mektepteri arasyndaǵy alshaqtyqty joıýdy kózdeıdi, dep habarlaıdy aqshamnews.kz 24.kz-ke silteme jasap.
Jalpy Memleket basshysynyń tapsyrmasy boıynsha úsh jylda 1231 bilim oshaǵyn jańǵyrtý kózdelgen. Olardyń da jartysynan kóbi aýyldyq jerlerde ornalasqan. Bul jumystar eldegi apatty mektepter sanyn azaıtyp, úsh aýysymmen oqytýdy joıýdy kózdeıdi.
Jaıyq Maqsutov, QR Oqý-aǵartý mınıstrligi ınfraqurylymdy damytý departamentiniń basqarma basshysy:
- 2021 jyly oqýshylar oryndarynyń tapshylyǵyna sáıkes taldaý júrgizgen bolatynbyz. 2027 jylǵa qaraı negizgi orny tapshylyǵy 1 mıllıonǵa jýyqty quraıtyn. Iaǵnı, osy oqýshy ornynyń tapshylyǵyn aldyn alý úshin osy «Jaıly mektep» iske asyrylyp jatyr. Osy joba aıasynda oqýshy oryndarynyń tapshylyǵy jáne 3 aýysymdy mektepterdiń máselesi sheshiledi dep kútip otyrmyz. Iaǵnı, osy ulttyq joba bastalǵannan beri qazirgi tańda 3 aýysymdy mektepterdiń sany 2 esege azaıdy.