Densaýlyq saqtaý mınıstrliginiń Sanıtarıalyq-epıdemıologıalyq baqylaý komıteti Qazaqstanda fast-fýd pen zıandy taǵamdardyń jarnamasyna shekteý qoımaq, dep habarlaıdy aqshamnews.kz
"Azyq-túlik marketıńiniń balalarǵa zıandy áserin túsine otyryp, Dúnıejúzilik densaýlyq saqtaý uıymy balalarǵa baǵyttalǵan tamaq jáne alkogólsiz sýsyndar marketıńi boıynsha usynystar jınaǵyn ázirledi. Oǵan sáıkes "2025-2026 jyldarǵa arnalǵan durys tamaqtanýǵa járdemdesý" is-sharalaryn iske asyrý jónindegi Jol kartasyna tıisti is-sharalardy engize otyryp, azyq-túlik beıinin ázirleýge kiristi. Qorektik zattardyń profılin ázirleý balalarǵa baǵyttalǵan qanyqqan maılar, trans maı qyshqyldary, bos qanttar men tuzy joǵary taǵam marketıńiniń áser etý aýqymy men sıpatyna monıtorıń júrgizý men baǵalaýǵa, sondaı-aq qorytyndysy boıynsha tıisti sharalar qabyldaýǵa múmkindik beredi", – deıdi mamandar.
Komıtettiń málimdeýinshe, qorektik zattardyń profılin anyqtaý – bul halyq arasynda, sonyń ishinde balalarda juqpaly emes aýrýlardyń aldyn alý úshin quramynda qant, tuz, trans maılarynyń artyq mólsheri bar óńdelgen taǵamdardy jikteý nemese saralaý ádisi.
Azyq-túlik marketıńi – semizdikke ákeletin ortanyń mańyzdy element, óıtkeni ol belgili bir taǵamdyq artyqshylyqtardy, satyp alýlardy jáne tutyný ádetterin engizý arqyly durys emes dıetany nasıhattaıdy.
"Ókinishtisi sol, balalar men jasóspirimder kóbinese qant, kondıterlik ónimder, fast-fýd jáne daıyn tańǵy as sıaqty maı, qant jáne tuzy joǵary taǵamdardy jarnamalaıtyn azyq-túlik óndirýshileriniń marketıńtik strategıalarynyń maqsatty aýdıtorıasyna aınalýda", – delingen habarlamada.