Bul standart muǵalimderdiń kásibı damý traektorıasynyń biryńǵaı baǵdaryna aınalady.
«Pedagog» kásibı standartyn qabyldaý boıynsha jumystar aıaqtalýǵa jaqyn. Bul týraly Oqý-aǵartý mınıstri Asqat Aımaǵambetov málim etti, dep habarlaıdy Almaty-akshamy.kz QazAqparatqa silteme jasap.
«Oqý-aǵartý mınıstrligi «Pedagog» kásibı standartyn qabyldaý boıynsha jumystardy aıaqtaýǵa jaqyn. Osy kásibı standartty eskere otyryp, bilim berý baǵdarlamalary, pedagogterdi sertıfıkattaý jáne atestattaý rásimderi, úzdiksiz kásiptik damý mazmuny ázirlenip, jańartylady. Qosymsha pedagog kadrlardy qyzmet babynda joǵarylatý strategıasy qurylady. Kásibı standart bekitilgenge deıin pedagogtermen jáne basqa da múddeli taraptarmen keń talqylaýlar júrgiziledi. Nátıjesinde «Pedagog» kásibı standarty bilim berýdiń barlyq deńgeıindegi pedagogterdiń kásibı damý traektorıasynyń biryńǵaı baǵdaryna aınalady», - dep toqtaldy mınıstr.
Buǵan qosa, brıfıń barysynda Asqat Aımaǵambetov balabaqsha tárbıeshilerine jalaqy tóleýdiń jańa júıesi engiziletinin málim etti.
Onyń aıtýynsha, mundaı mehanızm qazirgi tańda birneshe balabaqshada synaqtan ótip jatyr.