Aǵymdaǵy jyldyń 1 sáýirinen bastap Almaty qalasynyń aýdandyq ákimdikteri joldardy jáne ınjenerlik jelilerdi aǵymdaǵy jóndeý, halyqtyń osal toptaryna áleýmettik qoldaý kórsetý, mektepke deıingi uıymdardy, shyǵarmashylyq úıirmeler men sport seksıalaryn janbasyna shaqqandaǵy qarjylandyrý jáne t. b. boıynsha jumystardy derbes júrgize bastaıdy, dep habarlaıdy almaty-akshamy.kz
Jańa fýnksıalarmen qatar segiz aýdan ákimdikterine 73,5 mlrd teńgeden astam (Alataý – 17 mlrd teńge, Almaly – 5,9 mlrd teńge, Áýezov – 13,3 mlrd teńge, Bostandyq – 7,5 mlrd teńge, Jetisý – 7,9 mlrd teńge, Medeý – 7 mlrd teńge, Naýryzbaı – 5,6 mlrd teńge, Túrksib – 9 mlrd teńge) qarjy bólindi.
Fýnksıalardy ortalyqsyzdandyrý boıynsha ózgerister qabyldanǵanǵa deıin aýdan ákimdikteriniń tek aǵymdaǵy jumystarǵa, onyń ishinde abattandyrýǵa, tazalaýǵa, kógaldandyrýǵa jáne t. b. arnalǵan ókilettikteri men qarajattary shekteýli boldy. Aýdan ákimdikterine jańa fýnksıalardy berý jáne qosymsha qarjylandyrýdy bólý jergilikti jerlerde jedel sheshim qabyldaýǵa yqpal etedi, ár aýdan halqynyń qajettilikterin negizge ala otyryp, búdjet qarajatyn tıimdi bólýdi qamtamasyz etedi jáne osy qyzmetterdiń oryndalýyn odan ári baqylaýǵa múmkindik beredi.
Eske salsaq, Memleket basshysy Qasym-Jomart Toqaevtyń jergilikti ózin-ózi basqarýdy ortalyqsyzdandyrý jónindegi tapsyrmasy aıasynda Almaty qalasynyń ákimi Erbolat Dosaevtyń bastamasy boıynsha ótken jyly keıbir fýnksıalardy respýblıkalyq mańyzy bar qalalar, astana ákimdikteriniń deńgeıinen aýdan ákimdikteriniń deńgeıine berý bóligine ózgerister engizilgen bolatyn.
Ortalyqsyzdandyrýdy túbegeıli bekitý maqsatynda jergilikti ózin- ózi basqarý fýnksıalary boıynsha 2022 jylǵy 30 jeltoqsanynda aýdandyq ákimdikterge 15 fýnksıany berý bóliginde Qazaqstan Respýblıkasynyń Búdjet kodeksine túzetýler engizildi:
1) mektepke deıingi tárbıe men oqytý, onyń ishinde mektepke deıingi tárbıe men oqytý uıymdarynyń qyzmetin qamtamasyz etý;
2) sport seksıalaryn janbasyna shaqqandaǵy normatıvtik qarjylandyrýdy iske asyrý;
3) avtomobıl joldaryn aǵymdaǵy jóndeý;
4) turǵyn úı kómegi;
5) memlekettik ataýly áleýmettik kómek;
6) jergilikti ókildi organdardyń sheshimderi boıynsha muqtaj azamattardyń jekelegen sanattaryna áleýmettik kómek kórsetý;
7) áleýmettik kómek jáne áleýmettik qamsyzdandyrý;
8) belgili bir turǵylyqty jeri joq adamdardy áleýmettik beıimdeý;
9) jetimderdi, ata-anasynyń qamqorlyǵynsyz qalǵan balalardy áleýmettik qamsyzdandyrý
10) múgedektigi bar balalardy qosa alǵanda, qarttar men múgedektigi bar adamdardy áleýmettik qamsyzdandyrý;
11) halyqty jumyspen qamtýdy qamtamasyz etý;
12) memlekettik ataýly áleýmettik kómek;
13) áleýmettik kómek jáne áleýmettik qamsyzdandyrý salasyndaǵy ózge de qyzmetterdi iske asyrý, onyń ishinde memlekettik áleýmettik tapsyrysty ornalastyrý;
14) komýnaldyq menshiktegi sýmen jabdyqtaý, káriz, káriz sorǵy stansıalarynyń taratý jelilerin, gazben jabdyqtaý jáne jaryqtandyrýdy jobalaý, salý, rekonstrýksıalaý, kúrdeli jóndeý jáne modernızasıalaý;
15) turǵyn úı qoryn ınventarızasıalaý.
Ortalyqsyzdandyrý aıasynda aýdandyq ákimdikterge halyqtyń áleýmettik osal toptaryn áleýmettik qorǵaý bóliginde jumyspen qamtý jáne áleýmettik baǵdarlamalar basqarmasynyń fýnksıalary berildi. Bul járdemaqy tóleý boıynsha qyzmet kórsetý merzimderin qysqartýǵa múmkindik beredi, árbir aýdannyń muqtajdaryn tolyq qamtýdy qamtamasyz etedi jáne turǵyndarǵa turǵylyqty aýdanda qyzmet alýǵa múmkindik beredi.
Atap aıtqanda, aýdandyq ákimdikter arqyly tehnıkalyq ońaltý quraldarymen qamtamasyz etý erekshe qajettilikteri bar adamdarǵa beıindi basqarmaǵa júginbeı jergilikti jerlerde problemalyq máselelerdi sheshýge múmkindik beredi. Aýdandyq ákimdikterge myna áleýmettik jobalardy iske asyrý boıynsha fýnksıalar da berildi, olar: Ten qogam, «Baqytty otbasy» ortalyqtary, dástúrli qolóner ortalyǵy, belsendi uzaq ómir súrý ortalyǵy, «Shyńǵa órleý».
Almatynyń qalalyq mobıldilik basqarmasynyń joldarǵa aǵymdaǵy jóndeý júrgizý jónindegi fýnksıalaryn aýdan ákimdikterine berý arqasynda olar turǵyndardyń ótinishterine dereý nazar aýdarady jáne jergilikti jerlerde merdigerlik uıymdarǵa tıisti baqylaýdy qamtamasyz ete otyryp, jumystardy ýaqtyly júrgizetin bolady.