Forýmda Ǵylym jáne joǵary bilim mınıstri sóz sóılep, otandyq ǵylymnyń damýy mańyzdy ekenin atap ótti.
Industry Advisory Board (Salalyq konsýltatıvtik keńes) – bıznes, salalyq kásiporyndar men jetekshi ǵylymı ýnıversıtetter arasyndaǵy ózara baılanysty ashyq ornatý úshin qurylǵan platforma,dep habarlaıdy Almaty-akshamy.kz Egemen.kz-ke silteme jasap.
«Ýnıversıtettegi ǵylymdy damytý – mańyzdy baǵyt. Bizdiń ýnıversıtetterdiń kópshiligi teaching university deńgeıinde tur. Olardyń ǵylymı-zertteý ýnıversıteti formatyna aýysýy óte mańyzdy. Búgingi tańda ǵylymǵa bólinetin qarjy 3,5 ese artty. Qazir maqsatty qarjylandyrý formaty men baǵdarlamasy qaıta qaralyp jatyr. Ýnıversıtetterge ósý núktelerin qalyptastyrýǵa múmkindik beretin alǵash ret «mega grant» uǵymy (qarjylandyrý turǵysynan) engizilýi múmkin», - dedi Saıasat Nurbek.
Sondaı-aq forýmda komersıalandyrý boıynsha ǵylymı ýnıversıtetter Alánsynyń qurylǵany týraly jarıalandy.