2025 jylǵy 18 maýsymda Almaty qalasyndaǵy UN Plaza-da Ortalyq Azıadaǵy BUU-nyń Jahandyq shartynyń kóp eldik jelisi keńsesiniń resmı ashylýy ótti.
Keńse bıznes, memlekettik qurylymdar men azamattyq qoǵamnyń ornyqty damý salasyndaǵy ózara árekettestigin úılestirý platformasyna aınalady. Jańa alań óńir elderinde BUU-nyń Ornyqty damý maqsattaryn (ODM) iske asyrýǵa járdemdesýge baǵyttalǵan. Keńse qyzmeti ODM-dy korporatıvtik strategıalar men operasıalyq prosesterge ıntegrasıalaýda kompanıalarǵa qoldaý kórsetý, sondaı-aq BUU-nyń Jahandyq shartynyń on qaǵıdatyn ilgeriletýdi qamtıtyn bolady.
Keńse qyzmeti bıznes-qoǵamdastyqpen ózara is-qımyl, ornyqty damý salasyndaǵy kompanıalardyń áleýetin damytý, semınarlar men konferensıalar ótkizý, sondaı-aq aqparattyq jáne ádisnamalyq qoldaý kórsetý sıaqty baǵyttardy qamtıdy.
Óz kezeginde, «Almaty» ÁKK 2023 jyly BUU Jahandyq shartyna qosylǵan Qazaqstannyń alǵashqy áleýmettik-kásipkerlik korporasıasy boldy. Korporasıa BUU-nyń Ornyqty damý salasyndaǵy kún tártibiniń qundylyqtaryn qolaıdy, barlyq 17 ODM mańyzdylyǵyn moıyndaıdy jáne olarǵa qol jetkizýge úles qosady.
«Almaty» ÁKK óz qyzmetiniń ereksheligin eskere otyryp, Ornyqty damýdyń alty basym maqsatyn aıqyndady, korporasıa olarǵa qol jetkizýge barynsha úles qosady: ashtyqty joıý; jaqsy densaýlyq pen ál-aýqat; sapaly bilim berý; laıyqty jumys jáne ekonomıkalyq ósý; ındýstrıalandyrý, ınovasıalar jáne ınfraqurylym; ornyqty qalalar men eldi mekender.