Alǵashqylardyń biri bolyp tańǵy saǵat 7-de №48 mektep-lıseıinde ornalasqan №388 saılaý ýchaskesine Almaty ákimi Erbolat Dosaev jubaıymen birge keldi.
«Búgin ótip jatqan saılaý Qazaqstan ómirindegi mańyzdy oqıǵa bolyp tabylady jáne Memleket basshysy ótken jyldyń naýryz aıynda jarıalaǵan saıası reformalardyń sońǵy kezeńin bildiredi. Májilis pen maslıhattyń saılanǵan depýtattary aldynda jańa mindetter týyndaıdy jáne olardyń jumysy Qazaqstannyń turaqty áleýmettik-ekonomıkalyq damýyn qamtamasyz etý jáne azamattarymyzdyń ómir súrý deńgeıin arttyrý jónindegi bastamalardy qoldaýǵa baǵyttalýy tıis. Qazaqstan men bizdiń súıikti Almatynyń taǵdyryna shyn júrekten alańdaıtyn almatylyqtardyń beıjaı qaramaıtynyna jáne jáne jarqyn bolashaqqa daýys beretinine senimdimin», - dedi Erbolat Dosaev.
