Almaty ákimi Erbolat Dosaevtyń halyqpen kezekti kezdesýi Jetisý aýdanynda ótti. Qala basshysy aýdannyń damýy jáne turǵyndardan túsken usynystar boıynsha atqarylǵan jumystar týraly aıtyp berdi. Kezdesýge 300-den astam adam keldi, - dep habarlaıdy almaty-akshamy.kz
Aýdanda komýnaldyq ınfraqurylymdy jańǵyrtý ózekti másele bolyp qala beredi. Aýdan turǵyndary Qulager sh/a jylýmen jabdyqtaý máselesine erekshe alańdaýshylyq bildirdi. Shaǵyn aýdanda uzyndyǵy 1,7 km bolatyn jylý jelilerin qaıta qurý qazan aıynyń sońyna deıin júrgizildi, al qazirgi ýaqytta tolyq aıaqtaldy.
Aýdandy turaqty elektrmen qamtamasyz etý úshin 40 km eskirgen elektr jelilerin qaıta jańartý jumystary júrgizilýde, 800 baǵana ornatyldy, 15,8 km kabel tartyldy. Bul Jetisý aýdanynda 4000-nan astam abonentti úzdiksiz elektrmen qamtamasyz etýge múmkindik beredi. Jyl sońyna deıin kóshe jaryǵyn modernızasıalaý aıaqtalady.
Qarasha aıynda Qazybaev, Rysqulov dańǵyldary, Tátibekov kóshesi, Raıymbek dańǵylynyń qıylysynda uzyndyǵy 57,9 km sýmen jabdyqtaý jelilerin rekonstrýksıalaý jáne káriz qurylysy boıynsha jumystar aıaqtalady.
Jol ınfraqurylymy jáne qaýipsizdik máseleleri boıynsha: aǵymdaǵy jyldyń basynan beri jalpy aýdany 28 myń sharshy metr bolatyn 124 jol ýchaskesine aǵymdaǵy jóndeý júrgizildi, ortasha jóndeý – uzyndyǵy 26,3 km bolatyn 21 kóshege, uzyndyǵy 16,3 km bolatyn jańa trotýarlar salyndy, 30 jańa aıaldama kesheni ornatyldy, 8 avtobýs baǵytynyń jyljymaly quramy tolyǵymen jańartyldy.
Oqýshy oryndarynyń tapshylyǵyn azaıtý úshin úsh mektepke 800 oryndyq 3 qosymsha nysannyń qurylysy bastaldy. Eki mektepti kúrdeli jóndeý qarastyrylǵan.
Jetisý aýdanynda túrli jastaǵy balalardyń sportpen shuǵyldanýy úshin 2 dene shynyqtyrý-saýyqtyrý kesheni ashyldy: Kemel sh/a aýysymynda 94 kelýshige, al Aınabulaq shaǵyn aýdanynda aýysymynda 100 kelýshige arnalǵan.
Medısınalyq qyzmet kórsetýdiń qadamdyq qoljetimdiligin qamtamasyz etý úshin jyl sońyna deıin Kemel sh/a 200 kelýshige arnalǵan ODA (otbasylyq dárigerlik ambýlatorıa) qurylysy aıaqtalady. Bir aýysymda 500 kelýshige arnalǵan emhanalarǵa kúrdeli jóndeý jáne eki ǵımarat salýǵa jobalaý-smetalyq qujattama daıyndaý qolǵa alynǵan.
Aýdanda qatty jaýyn-shashyn kezinde sý basý máselesi ózekti bolyp qalýda. TJ jelisi boıynsha 8 ýchaskeni joıý jumystary júrgizilýde. Bul máseleni sheshý úshin uzyndyǵy 7,2 km aryq jelilerin salý, 2,2 km kolektorlardy qalpyna keltirý jáne 2,5 km Esentaı kanalyn tazartý jumystary júrgizilýde. Atalǵan jumystardy aǵymdaǵy jyldyń sońyna deıin aıaqtaý josparlanýda. Kelesi jyly ekologıa jáne qorshaǵan ortany basqarý jelisi boıynsha uzyndyǵy 27 km 27 ýchaskede aryq jelilerin salý josparlanýda.
Sondaı-aq, qala ákimi Erbolat Dosaev aýdannyń qoǵamdyq qaýipsizdigin qamtamasyz etý sharalary týraly habardar etti. Aǵymdaǵy jyldyń sońyna deıin adamdar kóp jınalatyn jerlerde 597 beınekamera ornatylady.
«Halyq qatysatyn búdjet» baǵdarlamasy boıynsha aýdanda 800 mln teńgege 23 joba iske asyryldy. Bul jobalardy júzege asyrý Velıkolýkskaıa kóshesinde jańa qoǵamdyq keńistik qurýǵa múmkindik berdi. Sondaı-aq, eki skverde jańa sport alańdary ashyldy.
Aýdan turǵyndary 2023 jylǵa qoǵamdyq keńistikti abattandyrý jáne kógaldandyrý, balalar men sport alańdaryn jóndeý jáne jasaý boıynsha 129 ótinim berdi, onyń ishinde 18 joba aldyn ala irikteldi.
Almaty ákimimen kezdesý barysynda turǵyndar joldardy jóndeý, káriz jáne elektr jelilerin abattandyrý jáne t. b. máselelerdi kóterdi.
Memleket basshysy Qasym-Jomart Toqaevtyń Jarlyǵymen bekitilgen halyqpen kezdesýdiń jańa formatyna sáıkes jyl sońyna deıin Erbolat Dosaev halyqpen 24 kezdesý ótkizedi – 8 aýdannyń árqaısysynyń turǵyndarymen toqsanyna bir kezdesý.