Qasiretti qańtar oqıǵasyna 40 kún
Almaty ákimi Erbolat Dosaev qalanyń Ortalyq meshitine baryp Qańtar tragedıasynda qaza tapqandardyń rýhyna quran baǵyshtap, tirilerdiń tirshiligi úshin qurban shaldy. Bul týraly QR parlament depýtaty Janarbek Áshimjan facebook-tegi paraqshasynda jazdy.
«Búgin tańǵy saǵat 8-de Alataýdyń basyn munar, baýyryn órt shalǵan osy qasiretti oqıǵanyń Qyryq kúndigine baılanysty Almaty qalasyndaǵy Ortalyq meshitte árýaqtarǵa baǵyshtap Quran oqylyp, eldiń erteńi úshin tilek tilep, Jaratqanǵa salaýat aıtylypty. Shahardyń jańa basshysy Erbolat Dosaev Qyryq kúndikke arnap árýaqtardyń rýhyna Quran baǵyshtap, tirilerdiń tirshiligi úshin qurban shalypty, nıet qabyl bolsyn!»,-dep jazdy depýtat.
Aıta ketsek, Qańtar oqıǵasyna búgin qyryq kún toldy. Qazaqstan azamattary sol qasiretti kúnderi qaza tapqandardy eske alyp jatyr. Tańerteń QR prezıdenti Qasym-Jomart Toqaev astanadaǵy Haziret Sultan meshitine baryp, qaza tapqandardyń rýhyna quran baǵyshtap, qurbandyq shalǵan bolatyn.
