Almaty ákimi Erbolat Dosaevtyń qala turǵyndarymen kezekti kezdesýi Bostandyq aýdanynda ótti. Qala basshysy aýdannyń damýy jáne ótken jyly turǵyndardan túsken usynystar boıynsha atqarylǵan jumystar týraly aıtyp berdi. Kezdesýge 200-den astam adam keldi, dep habarlaıdy Almaty-akshamy.kz.
Bostandyq aýdany úshin eń ózekti máseleler – ınjenerlik komýnıkasıalardy jańǵyrtý, jol jáne áleýmettik ınfraqurylymdy damytý, qoǵamdyq keńistikterdi qurý jáne jalpy aýdandy abattandyrý.
Ótken jyly aýdanda Erǵojın, Gandı, Ǵabdýllın, Mogılevskıı, Sátbaev kóshelerinde jáne "Orbıta-4" shaǵynaýdanynda 1,6 km jylý jelileri qaıta jańartyldy. Elektrmen jabdyqtaýdyń 4,8 km kabeldik jelisin tóseý aıaqtaldy. Búginde «Almagúl» qosalqy stansıasyna elektr qýatyn berý jumystary júrgizilýde. Aǵymdaǵy jyldyń maýsym aıynda qosalqy stansıa iske qosylsa, onda aýdannyń 200 myńǵa jýyq turǵyny elektr energıasymen úzdiksiz qamtamasyz etiledi.
Jalpy, Bostandyq aýdanynyń turǵyndaryna komýnaldyq qyzmetterdi jetkizý sapasyn arttyrý úshin 2023 jyly 26,5 km ınjenerlik jelilerdi qaıta jańartý josparlanǵan. Qabyldanǵan sharalar aýdannyń 150 myńǵa jýyq turǵynyn sapaly sýmen jáne jylýmen qamtamasyz etýge múmkindik beredi.
Aýdannyń mektepteri men mektepke deıingi uıymdarynda oryn tapshylyǵy problemasyn júıeli sheshý úshin 8600 oryndyq 6 jańa mektep jáne 980 oryndyq 4 balabaqsha, sondaı-aq 400 oryndyq 8 jekemenshik balabaqsha salý josparlanǵan.
«Jaıly mektep» jobasy boıynsha 4200 oryndyq 3 mektep salý josparlanýda. Qurylystyń bastalýy aǵymdaǵy jyldyń qyrkúıegine josparlanǵan.
Medısınalyq qyzmet kórsetýdiń qadamdyq qoljetimdiligin qamtamasyz etý úshin osy jyldyń naýryz aıynda balalarǵa shuǵyl medısınalyq kómek ortalyǵynyń operasıalyq blogy bar qabyldaý bóliminiń korpýsy men 300 adam keletin áıelder konsýltasıasynyń perzenthana bóliminiń qurylysyn aıaqtaý qarastyrylýda.Budan basqa, aǵymdaǵy jyly 5 densaýlyq saqtaý nysanyn salý, rekonstrýksıalaý jáne kúrdeli jóndeý jobalanýda.
Aýdanda jol ınfraqurylymyn damytý ózekti másele bolyp qala beredi. Ótken jyly uzyndyǵy shamamen 23 km bolatyn 22 kóshege ortasha jóndeý júrgizildi, jalpy aýdany 8 myń sharshy metrden asatyn 65 kóshege aǵymdaǵy jóndeý júrgizildi. Aǵymdaǵy jyly uzyndyǵy 15,5 km bolatyn 31 kóshege ortasha jóndeý júrgizý josparlanýda, sondaı-aq Esentaı ózeni arqyly ótetin kópirdi 2 jaıaý júrginshiler kópiri qurylǵylarymen jáne erekshe qajettilikteri bar adamdarǵa arnalǵan pandýstarmen qaıta jańartý júrgiziledi. Nysan boıynsha JSQ aqpan aıynyń sońyna deıin aıaqtalady dep kútilýde.
Almaty ákiminiń tapsyrmasy boıynsha 15 kólik baǵytynda (212 jańa avtobýs) jyljymaly sostav jańartyldy.
Aýdanda únemi sý basyp qalatyn oryndar máselesi belsendi túrde sheshilýde. TJ jelisi boıynsha osy máseleni jedel sheshý úshin ótken jyly kolektorlardy, arnalardy qalpyna keltirý jáne aryq jelisin salý jumystary bastaldy. Aýdanda sý basýǵa beıim 16 ýchaske anyqtaldy. Búginde 913 m aryq jelilerin qaıta qurý jáne salý esebinen 5 ýchaske joıyldy. Aǵymdaǵy jyldyń naýryz aıynyń sońyna deıin Tımırázev pen Aımanov kósheleriniń qıylysynda taǵy 1 ýchaske retteledi. Qalǵan 10 ýchaske 2023 jyldyń sońyna deıin joıylady.
Beınebaqylaý júıeleriniń jelisin keńeıtý úshin 2022 jyly aýdanda 301 beınebaqylaý júıesiniń kamerasy ornatyldy. 2023 jyldyń birinshi jartyjyldyǵynyń sońyna deıin jańa AÓSSHK beınekameralaryn (shamamen 700-800 beınekamera) ornatý úshin mekenjaılar tizimi qosymsha daıyndalady.
Ákimmen ótken turaqty kezdesýler barysynda turǵyndar jaıly qalalyq ortany damytý jóninde tilekterin bildirdi. Turǵyndardyń jaıly turýy úshin qoǵamdyq keńistiktiń 3 nysanyn abattandyrý josparlanýda. Jańa jobalardyń qatarynda uzyndyǵy 7,1 km Úlken Almaty ózeniniń jaǵalaýy bar.
«Halyq qatysatyn búdjet» baǵdarlamasy aıasynda ótken jyly 800 mln. teńge somasyna 21 joba iske asyryldy. Aǵymdaǵy jyly atalǵan baǵdarlama aıasynda turǵyndardyń ótinimderi boıynsha 17 joba irikteldi. 6 qoǵamdyq keńistik jabdyqtalady, 10 sport jáne oıyn alańy salynady, sondaı-aq 1tereńdetilgen konteıner alańy ornatyldy.
Almaty ákimimen kezdesý barysynda aýdan turǵyndary joldardy jóndeý, káriz jáne elektr jelilerin abattandyrý jáne t. b. máselelerdi kóterdi.