QR BjǴM jáne qala basshylyǵy ustazdarǵa alǵys aıtty.
Almaty qalasy bilim basqarmasynyń basshysy Lázzat Jylqybaeva qaladaǵy mektep muǵalimderine, qosymsha bilim berý júıesiniń pedagogterine jáne aǵartý salasynyń ardagerlerine Qazaqstan Respýblıkasy Bilim jáne ǵylym mınıstrliginiń vedimistik erekshelik belgileri men qurmet gramotalaryn tapsyrdy, dep habarlaıdy Almaty-akshamy.kz.
«Eńbek ardageri» medali M. Mámetova atyndaǵy №28 mektep-lıseıiniń orys tili men ádebıeti pániniń muǵalimi Tatána Volgaevaǵa jáne №2 Oqýshylar úıiniń dırektory Elena Dıarovaǵa berildi.
«Ybyraı Altynsarın» tósbelgisi №178 mamandandyrylǵan lıseıdiń fızıka pániniń muǵalimi Gúlnar Slámǵalıevaǵa, №173 mektep-lıseıdiń orys tili men ádebıeti pániniń muǵalimi Erkin Senkebaevqa,sonymen birge O. Jandosov atyndaǵy №105 gımnazıanyń qazaq tili men ádebıeti pániniń muǵalimi Ulǵanym Áýbekerovaǵa tabystaldy.
«Men elimizde jáne qalamyzda bilim berý júıesiniń damýyna muqıat qarap, ony damytýyn úlken maqtanyshpen aıtamyn. Bizge, oqýshynyń úıine kez-kelgen bala kele alady, al muǵalimder onyń qabiletterin damytý úshin bárin jasaıdy. Biz barlyq balalar úshin ashyqpyz, az qamtylǵan jáne kóp balaly otbasylardan shyqqan balalardyń bizge kelýine umtylamyz. Oqýshy úıinde siz mýzykamen aınalysa alasyz, ózińizdi ónerdiń basqa túrlerinde synap kóre alasyz, tehnıkany ıgere alasyz. Qosymsha bilim berý - bul bos ýaqytty ótkizý ǵana emes, sonymen qatar óz kásibińdi tabý múmkindigi», - dedi Elena Dıarova.
Aǵylshyn jáne basqa tilderdi tereńdetip oqytatyn №105 gımnazıa balalardyń alǵan bilimderi bolashaq mansabyna negiz bolýy úshin bárin jasaýǵa tyrysady.
«Bizdiń balalarymyz qazaq tili jáne aǵylshyn tilderimen qatar fransýz, qytaı tilderin oqıdy. Adam neǵurlym kóp til bilse, onyń múmkindikteri de soǵurlym kóp bolady jáne balalar muny túsinedi», – dep atap ótti Ulǵanym Áýbekerova.
QR Bilim jáne ǵylym mınıstrliginiń marapattarymen qatar pedagogtarǵa Almaty qalasy ákimdiginiń alǵys hattary tabys etildi.