Tanymal prodúser Baıan Maqsatqyzy Almaty kóshelerindegi joldyń sapasy men jol jóndeý jumystaryna shaǵym túsirgen edi. Qala ákimdigi prodúserdiń narazylyǵyna jaýap berdi.
Almaty qalalyq qoǵamdyq keńistikti damytý basqarmasy málimetinshe, Panfılov pen Bógenbaı batyr kósheleriniń qıylysyndaǵy Álıa Moldaǵulova men Mánshúk Mámetova atyndaǵy saıabaq qaıta jóndeýden ótip jatyr. Jobada jaıaý júrginshiler joly men demalys aımaǵyn ornalastyrý, jaryqtandyrý qarastyrylǵan. Jaryqtandyrý tirekterin ornatqannan keıin shamdar qosylady. Saıabaqty abattandyrý bıyl qazanda aıaqtalmaq, dep habarlaıdy aqshamnews.kz.
"Vıdeodaǵy kósheler Almaly jáne Medeý aýdandaryn qamtıdy. Eki aýdan ákimdiginen alynǵan málimetter boıynsha, aýmaqty tazalaý jáne aryq júıelerin tazalaý jumystary kestege sáıkes júrgizilip jatyr. Merdigerler Medeý aýdanyndaǵy eskertýlerdi nazar aýdardy, atap aıtqanda, 1 qyrkúıekte Tólebaev pen Bógenbaı batyr kósheleriniń qıylysyndaǵy káriz qudyqtarynyń aınalasyna asfált tóseý jumystary júrgizildi, - dep habarlady qala ákimdigi ókilderi.
Aıta keteıik, 1 qyrkúıekte óner ıesi narazylyǵyn áleýmettik jelide jarıalaǵan edi.
"Qazir jubaıymmen qalanyń qaq ortasynda serýendep kelemiz. Bul - Bógenbaı batyr men Panfılov kósheleriniń qıylysy. Myna qarańǵylyqty qarańyzshy, quddy bir kolhoz sıaqty. Qaraýsyz qalǵan. Al bul - ne jaryǵy, ne shamy joq, túgi joq, onyń ústine, 1,5 jyl buryn jóndeý jumysy bastalǵan saıabaq. Bárin qazyp tastaǵan. Munda týrıs kóp, bul - qalanyń ortalyǵy. Men sondaı ádemi qalada turamyz, aqsha kóp, kóp salyq tóleımiz. Nege mynadaı jerde turamyz?! Jynyma tıip barady!"- deıdi Baıan Alagózova vıdeoda.
Budan basqa, óner ıesi aryq pen qoqys máselesine toqtaldy.
"Qarańyzdarshy, bul - qalanyń ortalyǵy. Qurmetti Medeý aýdanynyń ákimdigi, mynaý ne?! Máselen bıik ókshe aıaq kıim kıgen áıel myna jerde jazmysh bolady. Jaýapkershilik joq. Mynaý aryq. Bótelke men qoqysqa tolyp tur. Bul - bizdiń azamattyq jaýapkershilik, qurmetti Almaty turǵyndary, shoshqa der edim. Týǵan qalany qalaıshy bylaı lastaýǵa bolady?! 3 metr ǵana júrip, bótelkeni qoqys jáshigine laqtyrýǵa bolady ǵoı! Qalaı uıalmaısyńdar!" - deıdi ol vıdeoda.