Kóptegen almatylyqtardy Saıran kólin jaılastyrý máselesi qyzyqtyrady, onyń jobasy 2023 jyly sý aıdynynyń túbin tazartý júrgizilgennen keıin jarıalandy.
Almaly aýdanynyń ákimi Aıdar Jaqybaev Almaty qalasynyń óńirlik komýnıkasıalar qyzmetiniń alańynda abattandyrý jobasy ázirlenip, qorǵalǵanyn atap ótti. Biraq merdigerlik uıymdy anyqtaýda qıyndyqtar týyndady, sondyqtan iske asyrý merzimi ózgerdi, dep habarlaıdy Almaty-akshamy.kz.
«Jazda biz kól jaǵasynda jaqyn mańdaǵy úılerdiń turǵyndaryna kóldiń qalaı jańaratynyn tanystyrdyq. Bul rette turǵyndardyń barlyq tilekteri eskerildi. Osydan keıin osy qaıta qurýdy júrgizetin merdigerdi anyqtaý boıynsha konkýrstyq rásimder bastaldy. Nátıjesinde birinshi baıqaý ótti, ony Túrkistan oblysynyń kompanıasy jeńip aldy. Biraq, ókinishke oraı, onyń mundaı aýqymdy jumystardy júrgizý tájirıbesi bolǵan joq. Qala prokýratýrasynyń usynysy boıynsha bul konkýrstyń qorytyndysy joıyldy. Qazirgi ýaqytta qaıta konkýrs ótkizilýde. Ekologıa jáne qorshaǵan orta basqarmasynyń aqparaty boıynsha konkýrs qorytyndysy 2023 jyldyń sońyna deıin alynady. Aýa-raıynyń jylynysymen jumys bastalady dep senemin», - dedi ol.