Budan buryn aǵashtyń qulaǵany jaıly habarlaǵanbyz.
Qazirgi ýaqytta merdiger uıym qozǵalys bóligine qulaǵan aǵashtan joldy tazartýda, dep habarlaıdy Almaty-akshamy.kz
2023 jylǵy 23 qarashada saǵat 11:10-da Qaldaıaqov 47 men Bógenbaı batyr kósheleriniń buryshynda Qaldaıaqov kóshesiniń boıynda aǵash qulady.
Basqarma qyzmetkerleri aǵash qulaǵan jerge bardy jáne tekserý barysynda qulaǵan emen aǵashynyń qanaǵattanarlyq jaǵdaıda ári syrtqy zaqymǵa ushyramaǵany, saý ekendigi anyqtaldy, bul «Almaty qalasynyń jasyl jelekter reestri» arqyly da rastalady. Aldyn ala málimetter boıynsha,nóser jańbyr aǵashtyń tamyryndaǵy topyraqty shaıyp ketken, sonyń saldarynan aǵashtyń baǵanyna edáýir salmaq túsken.
Almaty qalasynyń aýmaǵynda jasyl jelekterdi túgendeýge sáıkes 84 myńnan astam apatty aǵashtar bar,onyń ishinde: 35 myń aǵash kóshe boıynda, 49 myńy aýla aýmaqtarynda.
Jumys jospary boıynsha 2022 jyly magıstraldyq joldar boıynda, saıabaq aımaqtarynda jáne aýla ishindegi aýmaqtarda 5 myń dana apatty aǵashtar kesilip, kesilgen aǵashtardyń ornyna 50 myń dana jas aǵash kóshetteri otyrǵyzyldy.
Aǵymdaǵy jyly Almaty qalasynyń ekologıa jáne qorshaǵan orta basqarmasy 16 925 myń dana apatty aǵashtardy kesip jatyr jáne kesilgen aǵashtardyń ornyna 169 250 myń dana jas aǵash kóshetterin otyrǵyzý josparlanýda.
Jyl ortasynda basqarma 8 aýdanmen shart jasady, osyǵan oraı ortaq aýmaqtarda apatty aǵashtardy kesý kestege saı júrýde.
Búginde 13,1 myńnan astam apatty aǵash kesildi, sondaı-aq ortaq jerlerge 145 myń kóshet otyrǵyzyldy.
Ekologıalyq qoǵamdastyq suraqtaryna jaýap berý úshin aǵashtardy kespes buryn ǵylymı qyzmetkerlerdi tarta otyryp, (J. Jıembaev atyndaǵy ósimdikterdi qorǵaý jáne karantın QazǴZI) eko-belsendilerdiń apatty aǵashtardy muqıat tekserýi qamtamasyz etiledi.