Almaly aýdanynda «Halyq qatysatyn búdjet» baǵdarlamasy boıynsha aýlalardy abattandyrý jumystary jalǵasýda.
Jýyrda Shevchenko kóshesi, 157 mekenjaıyndaǵy aýlada jóndeý jumystary aıaqtaldy. Jobany osy aýlada turatyn belsendi turǵyn Sabır usynǵan. Onyń bastamasy kórshilerdi biriktirip, bir adamnyń ıdeıasy búkil keńistiktiń kelbetin ózgerte alatynyn kórsetti.
Búginde aýla turǵyndardy jańa asfált tósemimen, balalarǵa arnalǵan oıyn alańdarymen, zamanaýı vorkaýt quraldarymen jáne búldirshinderge arnalǵan kedergiler jolaǵymen qýantýda. Erekshe nazar aýdararlyq nysan – uzyndyǵy on metrlik sándik pergola. Sondaı-aq, aýla jańa jaryq shamdarymen, oryndyqtarymen jáne gúlderge arnalǵan qorshaýlarymen kórkeıip, turǵyndar úshin ári ásem, ári qaýipsiz ortaǵa aınaldy.
Endi bul aýla – úılerdiń arasyndaǵy bos keńistik qana emes, balalar oınaıtyn, eresekter tynyǵatyn, kórshiler bas qosatyn jaıly orta.
Jalpy «Halyq qatysatyn búdjet» baǵdarlamasy aıasynda 45 jobanyń 36-sy júzege asyryldy, qalǵan 9 joba oryndalý ústinde. Onyń ishinde 23 joba aýlalardy abattandyrýǵa baǵyttalǵan. Buǵan qosa, aǵymdaǵy jóndeý jumystary aıasynda taǵy 33 aýla jańartylady.