Bul - Densaýlyq saqtaý mınıstri Ajar Ǵınıattyń sózi.
Elimizde ana men bala ólimi azaıǵan, dep habarlaıdy Almaty-akshamy.kz.
Mınıstr Prezıdent tapsyrmasyn oryndaý úshin keshendi jumys júrgizilgenin atap ótti.
«Tapsyrmalardy iske asyrýdyń arqasynda halyqtyń negizgi medısınalyq-demografıalyq kórsetkishteri jaqsardy. Byltyr 11 aıda halyqtyń jalpy ólim-jitimi 2021 jylmen salystyrǵanda 30%-ǵa (29,7%) tómendedi: qan aınalym júıesi aýrýlarynan bolatyn ólim-jitim – 34% (33,7%), obyr – 8% (8,3%), tynys alý aýrýlarynan bolatyn ólim-jitim – 1,7 ese, týberkýlezden bolatyn ólim-jitim – 12,5%»,dedi Ajar Ǵınıat.
Mınıstrdiń aıtýynsha, byltyr ana ólimi 3 ese (2021 jyly – 185 derek, 2022 jyly – 57 derek), al náreste ólimi 3% tómendegen.
«Ótken jyly halyqtyń ómir súrý uzaqtyǵynyń artqany sózsiz. Jyldyq resmı statısıka qorytyndysy boıynsha, óńirlerdiń densaýlyq saqtaý salasyndaǵy jetistikteri men kemshilikteri mınıstrliktiń kelesi alqa otyrysynda qaralady», - dedi mınıstr.