QR Premer-Mınıstri Álıhan Smaıylov Úkimettiń keńeıtilgen otyrysynda ótken jyldyń áleýmettik-ekonomıkalyq kórsetkishteri týraly málimet berdi, dep habarlaıdy Almaty-akshamy.kz QazAqparatqa silteme jasap.
«2021 jylǵy áleýmettik-ekonomıkalyq damý qorytyndysy boıynsha, jalpy ishki ónimniń ósimi 4 prosentti qurady. Turaqty ekonomıkalyq ósimniń negizgi faktory naqty sektor boldy. Ónerkásip óniminiń kólemi 8,38 prosentke jetti. Taý-ken ónerkásibin esepke almaǵanda, negizgi ekonomıkaǵa salǵan ınvestısıalar 9,5 paıyzǵa ulǵaıdy. Tikeleı sheteldik ınvestısıalar ótken jyldyń 9 aıynda shamamen 50 paıyzǵa ósip, 18,8 mlrd dollardy qurady», - dedi Úkimet basshysy.
Onyń aıtýynsha, 11 aıdyń qorytyndysy boıynsha, syrtqy saýda men ınvestısıa tartý salasynda biraz ósim baıqalǵan.
«Sondaı-aq ótken jyldyń 11 aıynyń qorytyndysy boıynsha, syrtqy saýda aınalymy 15,4 prosent ósip, 91,4 mlrd dollarǵa jetti. Al taýarlar eksporty 25 prosentke artyp, 54,5 mlrd dollardy qurasa, ımport kólemi 4,2 prosent ósip, shamamen 37 mlrd dollar boldy», - dedi Álıhan Smaıylov.