Memleket basshysy Qasym-Jomart Toqaevtyń tapsyrmalaryn oryndaý aıasynda Qazaqstan Respýblıkasy Ǵylym jáne joǵary bilim mınıstrligi Smart-ýnıversıtetter modeline kóshý jumystaryn júrgizýde. Endi qazaqstandyq stýdentter úshin álemniń jetekshi ýnıversıtetteriniń ózekti kýrstary qoljetimdi.
Almatydaǵy Halyqaralyq aqparattyq tehnologıalar ýnıversıtetinde joǵary oqý oryndaryna arnalǵan Coursera for Campus bilim berý platformasyn engizý ádistemesin tanystyrý maqsatynda Coursera day semınary uıymdastyryldy. QR Ǵylym jáne bilim mınıstri Saıasat Nurbektiń qazaqstandyq joǵary oqý oryndaryna jappaı ashyq onlaın kýrstaryn (JAOK) engizý jáne jetekshi kýrstardy ortalyqtandyrý jónindegi bastamasyn qoldaý maqsatynda HATÝ bilim ordasy Coursera ókilderimen birge mańyzdy qadam jasap otyr. Alqaly jıynda Halyqaralyq aqparattyq tehnologıalar ýnıversıtetiniń mysalynda Coursera for Campus platformasyn engizý ádistemesi taqyryby tanystyryldy.
Jalpy, bul bastama qazaqstandyq joǵary oqý oryndaryna álemdik bilim berý júıesimen tyǵyz baılanysta bolýǵa kómektesedi. JAOK – zamanaýı qashyqtyqtan bilim berýdiń qarqyndy damyp kele jatqan oqytý kýrstarynyń túri.
«Coursera day» konferensıasynyń ashylýynda QR Ǵylym jáne joǵary bilim vıse-mınıstri K.A.Erǵalı, HATÝ AQ basqarmasynyń tóraǵasy – rektory Asqar Hıkmetov sóz sóıledi. Bilim ordasynyń halyqaralyq ǵylymı jumystar jónindegi prorektory Evgenıa Daıneko oqý ornynyń osy saladaǵy tájirıbelerin aıtty.
Jıyndy Halyqaralyq baılanys departamenti dırektory N.J.Nalgojına júrgizdi. «Coursera Day» konferensıasynda platformany Ortalyq Azıadaǵy kásipkerlikti damytý jónindegi dırektor Edýard Kan tanystyrdy. «Coursera» platformasynyń qoǵammen baılanys menedjeri Sıddharta Nagar ZÝM júıesi arqyly qatysty. Platforma ınterfeısi barlyq tilde al, platforma kýrsynyń 90%-y aǵylshyn tilinde júrgizildi. Ýnıversıtet sarapshylary da spıkerler retinde sóz alyp, qazaqstandyq joǵary bilim ordalarynyń oqý prosesine úzdik sheteldik ýnıversıtetterdiń onlaın-kýrstaryn engizý tájirıbesimen bólisti.
Negizgi maqsat-mindetter – Coursera for Campus platformasyn paıdalaný nátıjelerimen tanystyrý, bilim alýshylar arasynda sertıfıkattalǵan kýrstardan ótý ýájdemesin arttyrý, aralas oqytý kýrstaryn paıdalaný, joǵary oqý oryndarynyń ádiskerlerine kýrstardy tańdaý boıynsha keńes berý.
Semınardyń ózektiligi sol, bolashaqta barlyq joǵary oqý oryndarynyń stýdentterine ıgerilgen onlaın-kýrstar men pánderdiń kredıtterin esepteýge múmkindik berý josparlanyp otyr. Iaǵnı stýdent belgili sheteldik profesordyń onlaın-kýrsyn óz betinshe tyńdap, aıaqtaı alady jáne osy arqyly dıplom alý kezinde mindetti túrde eskeriletin kredıtter ala alady.
Semınarǵa kelgender mańyzdy oqý-ádistemelik máselelerdi sheshý ıdeıalary aıasynda ózara tájirıbe almasty jáne Coursera ókilderimen tikeleı dıalog alańyna qatysty. Sarapshylar oqý prosesine engizý ádistemesimen, Coursera for Campus platformasyn paıdalaný nátıjelerimen bólisti. Ýnıversıtettiń tanystyrylym alańynda tálimgerler, tájirıbeli oqytýshylar, onlaın-kýrstardy ázirleýshiler óz keńesterin aıtty.
Janat SEITJANOVA,
HATÝ-dyń Qazaqstan tarıhy jáne
medıakommýnıkasıa kafedrasynyń
asıstent-professory