Fılmde negizgi keıipker men onyń seriktesi sybaılas jemqorlyq isterin ashýmen aınalysady
Sybaılas jemqorlyqqa qarsy is-qımyl agenttigi shynaıy qylmystyq isterge negizdelgen shaǵyn serıal túsirdi, dep habarlaıdy Almaty-akshamy.kz.
«QANA» shaǵyn serıaly –Antıkordyń jobasy. Sújeti shynaıy qylmystyq isterge negizdelgen. Janry – detektıv, drama.
Fılmde negizgi keıipker men onyń seriktesi sybaılas jemqorlyq isterin ashýmen aınalysady. İstiń egjeı-tegjeıine úńilý kezinde olar ózderiniń ótken ómirin eske alady.
«Áriptesterdiń maqsaty bir, biraq tergeýdi sońyna deıin jetkizýde árqaısysynyń ózindik sebebi bar. Árkimniń óz ádisi men jeke shyndyǵy bar», - delingen baspasóz baıanynda.
Birinshi serıanyń premerasy erteń, 26 qańtar kúni saǵat 19:30-da Sybaılas jemqorlyqqa qarsy is-qımyl agenttiginiń YouTube-kanalynda bolady.