Elimizdiń alty óńirinde boran ári tuman bolady
26 qańtarda qolaısyz aýa raıyna baılanysty elimizdiń alty oblysynda eskertý jarıalandy, dep habarlaıdy Almaty-akshamy.kz "Qazgıdromet" RMK-ǵa silteme jasaı otyryp.
Astanada kúndiz ońtústik batystan soqqan jeldiń ekpini 15-18 m/s quraıdy.
Jetisý oblysynda Alakól aýdanynda ońtústik shyǵystan 15-20 m/s, keı tusta 23-28 m/s jyldamdyqpen jel soǵady dep kútiledi.
Aqtóbe oblysynyń soltústiginde, shyǵysynda tuman túsedi dep boljanady. Aqtóbede túnde jáne tańerteń tuman túsedi.
Pavlodar oblysynyń soltústiginde, batysynda, shyǵysynda qarly jaıaý burqasyn júredi. Oblystyń soltústiginde, batysynda ońtústik batystan soqqan jeldiń ekpini 15-20 m/s quraıdy.
Aqmola oblysynyń batysynda, soltústiginde, shyǵysynda qarly jaıaý burqasyn júredi dep kútiledi. Túnde jáne tańerteń oblystyń ońtústiginde, batysynda tuman bolady. Oblystyń batysynda, soltústiginde, shyǵysynda ońtústik batystan soqqan jeldiń ekpini 15-20 m/s jetedi. Kókshetaýda kúndiz ońtústik batystan soqqan jeldiń ekpini 15 m/s bolady dep kútiledi.
Qyzylorda oblysynyń ortalyǵynda tuman bolady dep boljanady.
Soltústik Qazaqstan oblysynyń soltústiginde, shyǵysynda boran soǵady dep kútiledi. Túnde oblystyń soltústiginde, shyǵysynda, ońtústiginde ońtústik-batystan, batystan soqqan jeldiń ekpini 15-20 m/s, kúndiz óńirdiń kóp bóliginde 15-20 m/s, oblystyń ońtústiginde 23 m/s quraıdy. Petropavlda ońtústik batystan, batystan 15-20 m/s jyldamdyqpen jel soǵady dep kútiledi.