20 gradýsqa deıin jyly bolady.
«Qazgıdromet» mamandary 29-31 naýryz kúnderi aýa raıy qandaı bolatynyn boljady, dep habarlaıdy Almaty-akshamy.kz.
Naýryzdyń sońǵy kúnderinde soltústik-batys sıklonnyń jyrasy qubylmaly aýa raıyn qalyptastyrady. Osylaısha respýblıkanyń barlyq aýmaǵynda jaýyn-shashyndy bolady.
«29 naýryzda soltústikte, soltústik-batysta, ortalyqta, ońtústik pen ońtústik-shyǵystyń taýly aýdandarynda. Al 30 naýryzda tek eldiń shyǵysynda ǵana qatty jaýyn-shashyn (jańbyr, qar) kútiledi. Respýblıka boıynsha tuman, kóktaıǵaq boljanady, jel 15-28 m/s deıin kúsheıedi, soltústik pen ońtústikte bolsa jeldiń ekpini tipten 30 m/s deıin jáne odan da kóp bolmaq, soltústikte, shyǵysta, eldiń ortalyǵynda burqasyn baıqalady»,- delingen sınoptıkterdiń habarlamasynda.
Aýa temperatýrasynyń birtindep kóterilýi kútiledi: túnde respýblıkanyń soltústik jartysynda mınýs 6 jáne plús 2 gradýs bolady. Ońtústik jartysynda aýa temperatýrasynyń 5 gradýs sýyq 5 gralýs jyly temperatýra boljanady. Kúndiz eldiń batysynda, ońtústik-batysynda jáne ońtústiginde aýa temperatýrasy 10-20 gradýsqa, soltústiginde 2-8 jylýǵa deıin kóterilýi, shyǵysy men ortalyǵynda 3-11 gradýs jyly bolýy yqtımal.