Keı jerlerde ekpindi jel, ońtústik pen batysta shańdy daýyl baıqalady.
Sınoptıkter beıenbi kúni Qazaqstanda bolatyn aýa raıy týraly aıtty, dep habarlaıdy Almaty-akshamy.kz.
21 shildeden bastap eldiń soltústik, soltústik-batys bóligine antısıklon jotasy áser etedi, onda jaýyn-shashynsyz jyly aýa raıy kútiledi.
«Batysta aýa temperatýrasy túnde +20+25℃, kúndiz +33+41℃, respýblıkanyń soltústiginde aýa temperatýrasy túnde +10+18℃, kúndiz termometrdiń baǵandary +23+35℃, soltústik-batysta túnde +12+25℃, kúndiz +25+40℃, eldiń ortalyǵynda jáne shyǵysynda aýa temperatýrasy túnde +10+21℃, kúndiz +25+35℃, Qazaqstannyń ońtústiginde jáne ońtústik-shyǵysynda túngi temperatýra +13+25°S, +30+40°S»,– delingen «Qazgıdromet» habarlamasynda.