Naızaǵaı oınap, jańbyr jaýady.
Sınoptıkter tamyzdyń 5-7 kúnderine arnalǵan aýa raıy boljamyn aıtty, dep habarlaıdy Almaty-akshamy.kz.
«Jańa jer aýdandaryndaǵy sıklon jáne onyń atmosferalyq fronttary respýblıkanyń soltústik jartysyna naızaǵaı, burshaq, qatty jel men jylýdyń álsireýimen jańbyr týdyrady. Termometr baǵandary túngi ýaqytta elimizdiń batysynda 15-25 gradýs jylylyqty, soltústiginde 10-20 gradýs jylylyqty kórsetedi. Kúndizgi ýaqytta aýa temperatýrasy batysta 27-35 gradýs jylyǵa deıin, soltústikte 23-30 gradýs jylyǵa deıin tómendeıdi. Shyǵysta jáne ortalyqta aýa temperatýrasy túnde 10-20 gradýs, kúndiz 25-35 gradýs jyly bolady», – delingen «Qazgıdromet» RMK habarlamasynda.
Elimizdiń ońtústik jáne ońtústik-shyǵysynda ystyq, qurǵaq aýa raıy saqtalady, keı jerlerde shańdy daýyl bolyp, jel kúsheıedi. Aldaǵy kúnderi aýa temperatýrasy túnde 20-28 gradýs jyly, kúndiz 32-42 gradýs jyly bolady.