Zıýar Jumanova ekpe týraly jalǵan aqparatqa senbeý kerektigin aıtty.
Zıýar Jumanova kóp balaly analar qatarynda. Túrli jalǵan aqparatqa senip, osy kúnge deıin ekpege qarsy bolyp kelgen ol óz kózqarasyn ózgertkenin aıtady, dep habarlaıdy Almaty-akshamy.kz COVID-19 taralýyna jol bermeý jónindegi VAK-ǵa silteme jasap.
Kóp balaly ana Zıýar Jumanova osy kezge deıin vaksınaǵa qarsylyǵyn bildirip kelgen. Oǵan áleýmettik jelilerdegi túrli alyp-qashpa áńgimeler sebep bolǵan. Ýaqyt óte kele óz pikirin ózgertken kóp balaly ana áskerde júrgen tuńǵyshyna KVI-ǵa qarsy ekpe saldyrýyna ruqsat bergen. Sonymen qatar vaksına alǵan týystarynyń barlyǵynyń da jaǵdaılary jaqsy, din aman ekendigin jetkizdi.
Qoǵamda túrli feık aqparat taratyp, vaksınaǵa qarsylyq tanytýshylardyń jalǵan aqparattaryna senbeı, tek ǵylymı dáleldengen derekterdi qaperińizde ustaýǵa shaqyramyz. Siz ben bizdiń densaýlyǵymyz joǵary jaýapkershilikti talap etedi. Tolyq ujymdyq ımýnıtetti qalyptastyrý arqyly ǵana pandemıany jeńe alamyz.