Bul týraly Almaty ákimi Erbolat Dosaev Túrksib aýdany turǵyndarymen ótken kezdesýde aıtty.
Áleýmettik jáne sporttyq baǵyttaǵy obektilerdiń «jaqyn ornalasýyn» qamtamasyz etý úshin bıylǵy jyldyń sońyna deıin «Jas Qanat» shaǵyn aýdanynda kúnine 600 adamdy qabyldaıtyn dene shynyqtyrý-saýyqtyrý keshenin ashý josparlanýda.
Budan bólek, Maılın kóshesi 42A («Avıator») mekenjaıynda dene shynyqtyrý-saýyqtyrý kesheniniń qurylysy boıynsha jobalaý-smetalyq qujattama ázirlenýde. Aıaqtalý merzimi 2024 jyldyń aqpan aıy. Memlekettik saraptamanyń shyǵý merzimi – 2024 jyldyń sáýir aıy. Qurylys-montajdaý jumystarynyń bastalýy –2024 jyldyń maýsymy.
Sonymen qatar, qala basshysy E.Dosaev 2024 jyldyń II-shi toqsanynyń basynan bastap №6 Oqýshylar úıin rekonstrýksıalaý týraly sheshim qabyldaǵanyn aıtty.