Aýdandy abattandyrý aıasynda bıylǵy jyly Moldaǵalıev jáne Chehov kóshelerindegi jaıaý serýendeý aımaǵy aıaqtaldy.
Sondaı-aq №6 oqýshylar úıiniń janyndaǵy skver rekonstrýksıadan ótti. Bul jobalar budan buryn Saýranbaev kóshesiniń boıymen jabdyqtalǵan serýendeý aımaǵynyń logıkalyq jalǵasy boldy. Bul týraly Túrksib aýdany turǵyndarymen kezdesken Almaty qalasynyń ákimi E.Dosaev aıtty, dep habarlaıdy Almaty-akshamy.kz.
Sonymen qatar, bıyl qazan aıynyń sońyna deıin áýejaı alańyn jóndeý jumystary aıaqtalyp, fontan, sýarý júıesi ornatylyp, jaıaý júrginshiler joldary jańartylady.
Ekologıa jáne qorshaǵan orta basqarmasy osy jyldyń sońyna deıin skandınavıalyq jaıaý júriske arnalǵan eko joldary bar Baým toǵaıyn abattandyrý, shaǵyn arhıtektýralyq formalardy ornatý boıynsha; rekreasıalyq jáne jaǵajaı aımaqtaryn jaılastyrý, jaıaý júrginshiler kópirlerin jańarta otyryp, Úlken Almaty kanalyn abattandyrý boıynsha; sondaı-aq «Kishi Almaty» ózeniniń boıyndaǵy jaıaý júrginshiler-serýendeý aımaǵyn abattandyrý boıynsha (Maılın kóshesinen qala shekarasyna deıin) jobalaý-smetalyq qujattamany ázirleıtin bolady. Jobalardy iske asyrý 2024 jyldyń II-shi toqsanynda bastalady, -dedi Erbolat Dosaev.