Aýyl ákimderin para berýge ıtermelegen Antıkor qyzmetkerleri anyqtaldy.
Sybaılas jemqorlyqqa qarsy kúres qyzmetkerleri Túrkistan oblysynyń aýyl ákimderinen para aldy degen kúdikke ilindi, dep habarlaıdy Almaty-akshamy.kz. Tengrinews.kz -ke silteme jasap.
«Sybaılas jemqorlyqqa qarsy kúres qyzmetiniń ókilderi Túrkistan oblysy Jetisaı aýdanynyń ákimdigin tekserip, aýyldyq okrýgterdiń ákimderin qylmystyq jaýapkershilikke tartýmen qorqytyp, olardan aqshalaı qarajat talap etken. Olardyń turaqty túrdegi talaptarynan keıin ákimshilik jumyskerleri tekserýshilerge tekseristiń oń sheshilýi úshin 400-myńnan 630-myń teńgege deıingi qarajat berip, para berý deregi boıynsha ustalǵan», - delingen habarlamada.
Jeti aýyldyq okrýgtiń ákimderi men ákimshiliktiń bir esepshisi sottarmen ártúrli merzimge bas bostandyqtarynan aıyrý jáne aıyppul túrindegi jazalarǵa tartylǵan. Keıin Bas prokýrordyń narazylyǵymen Joǵarǵy Sot olardy tolyǵymen aqtap, Sybaılas jemqorlyqqa qarsy qyzmeti ókilderiniń is-áreketterinde tikeleı arandatýshylyq bar ekenin anyqtaǵan.
«Óz kezeginde, eki jedel ókilge qatysty Qylmystyq kodektiń 362-baby 4-bóligimen (bılikti jáne laýazymdyq ókilettikterdi asyra paıdalaný) sotqa deıingi tergep-tekserý bastalǵan. Tergep-tekserýdi Bas prokýratýranyń arnaıy prokýrory júrgizip, kinálaryn tolyǵymen dáleldep, qylmystyq is sotqa joldanǵan. Túrkistan oblysy Jetisaı aýdandyq sotynyń 2023 jylǵy 26 qańtardaǵy úkimimen aýyr sanattaǵy laýazymdyq qylmys jasaǵandary úshin Sybaılas jemqorlyqqa qarsy qyzmetiniń burynǵy eki jedel ókili arnaıy shenderinen aıyrylyp, árqaısysy alty jylǵa bas bostandyqtarynan aıyrý jazasyna tartyldy. Jábirlenýshilerdiń paıdasyna moraldyq zalal óndirildi», - delingen habarlamada.
Úkimge sottalǵandar apelásıalyq shaǵym túsirip, zańdy kúshine enbegeni atap ótiledi.