Qurlyqtyq dodada qazaqstandyq qyzdar eki altyn, eki qola medal aldy
Mońǵolıa astanasy Ulan-Batyrda ótip jatqan Azıa chempıonatynda Qazaqstannyń ulttyq quramasy áıelder kúresinen jalpykomandalyq esepte úzdik úshtikke endi, dep habarlaıdy Almaty-akshamy.kz QazAqparat-qa silteme jasap.
El quramasynan 68 kelide Madına Baqbergenova fınalda qyrǵyzstandyq Meerım Jýmanazarovany jeńip, altynnan alqa taqty. Al 72 kelide Jámıla Baqbergenova fınalda Sýmıre Nııkýrany tize búktirip, jeńis tuǵyryna kóterildi.
Sondaı-aq qazaqstandyq sportshylardan Juldyz Eshimova (53 keli) jáne Gúlmaral Erkebaeva (76 keli) qola júldege qol sozdy.
Jalpykomandalyq esepte Japonıa (7 altyn, 2 kúmis) jáne Mońǵolıa (4 kúmis, 5 qola) quramasy alǵashqy eki orynǵa jaıǵasty.
Kúres túrlerinen (grek-rım, áıelder kúresi, erkin kúres) qurlyqtyq dodaǵa Azıanyń 19 elinen sportshylar keldi.