QR Mádenıet jáne aqparat mınıstrligi «Aıboz» ulttyq ádebı syılyǵyna shyǵarmalardy qabyldaý jalǵasatynyn habarlaıdy.
Ulttyq ádebı syılyq otandyq qalamgerlerdi memlekettik qoldaý jáne qazaq ádebıetiniń damýyna yqpal etý maqsatynda úshinshi ret ótkiziledi, dep habarlaıdy almaty-akshamy.kz.
Ulttyq syılyqqa «Úzdik proza», «Úzdik poezıa», «Úzdik dramatýrgıa», «Úzdik ádebı aýdarma», «Úzdik balalar ádebıeti», «Úzdik ádebı syn», «Úzdik komıks» nomınasıalary boıynsha buryn jarıalanbaǵan týyndylar qabyldanady.
Baıqaýǵa otandyq jazýshylar qatysa alady jáne úmitkerlerdiń jas ereksheligine shekteý joq. Ádebı syılyqtyń jalpy júlde qory – 35 mln. teńge. Ár nomınasıaǵa 5 mln teńgeden beriledi.
Ótinim 2024 jylǵy 1 qyrkúıekke deıin www.aiboz.kz saıty arqyly joldanýy tıis. Ulttyq ádebı syılyq jyl sońynda tabystalady.
Tolyq aqparatty www.aiboz.kz saıtynan jáne +7 747 839 8910 nómirinen bile alasyzdar.