Almatyda poıyz bıletterin satyp, jolaýshylarǵa zańsyz qyzmet usynǵan deldaldar ustaldy.
Jurt bılet tappaı, sabylyp júrse, keı pysyqtar muny tabys kózine aınaldyrǵan. Jylda jaz mezgilinde qaıtalanatyn bul jaǵdaıǵa tosqaýyl bolmaı tur. Poıyzdarǵa bılet joq, dep habarlaıdy almaty-akshamy.kz 24.kz-ke silteme jasap.
Qazaqstandyqtar baratyn jerine ýaqytyly jetý úshin erterek qamdanýdy ádetke aınaldyrǵan. Al shuǵyl jolǵa shyǵýy kerek adamdar kasa tabaldyryǵyn tozdyryp júr.
Mundaı kezdi pysyqaılar utymdy paıdalanady. Olar vokzalǵa kelgen kópshilikke "kómegin" usynyp, paıda kórip júr. Jaqynda Almatyda osyndaı zańsyz qyzmetpen aınalysqandar ustaldy.
Narıman Dúısekeev, «Jolaýshylar tasymaly» AQ resmı ókili:
Qazir 15 sıfrlyq platforma arqyly bılet satyp alýǵa bolady. Odan bólek bılet.reılýeıs.kz saıtynda eshqandaı komısıasyz jol júrý qujaty satylady. Eger siz qalaǵan baǵytta bılet bolmasa kútý paraǵyna tirkele alasyz. Kezekke jolǵa shyǵýdan jeti kún buryn, tipti birneshe saǵat qalǵanda da turýǵa bolady. Jyl basynan beri 17 myń bılet osy kútý paraǵy arqyly satyldy.
Jaýaptylardyń aıtýynsha, bılettiń bolmaýyna vagon tapshylyǵy basty sebep. Qazir ulttyq tasymaldaýshynyń 2150 vagony bar. Onyń 450-i eskirgen. 2030 jylǵa deıin parkti 90 paıyz jańartýdy josparlap otyr. Bul baǵytta otandyq jáne sheteldik kompanıalarmen kelisimder jasaldy.