Vedomstvoda «Alǵa Qazaqstan» jáne «Halyq derbestigi» partıalaryn qurýdan bas tartyldy.
Senat kýlýarynda Ádilet vıse-mınıstri Botagóz Jaqselekova jýrnalıserdiń Qazaqstanda jaqyn arada qandaı jańa partıalar paıda bolýy múmkin ekendigi týraly suraqtaryna jaýap berdi, dep habarlaıdy almaty-akshamy.kz.
Aıta keteıik, búginde elimizde 7 saıası partıa resmı tirkelgen.
«Qazirgi ýaqytta Ádilet mınıstrliginiń qaraýyndaǵy qandaı da bir saıası partıa qurý týraly ótinishter joq. Biraq bıylǵy jyldyń basynan bastap bizge saıası partıa qurý týraly úsh habarlama kelip tústi. Olardyń barlyǵy qarastyryldy. Bir habarlama boıynsha - bul «Yntymaq» partıasyna qoldaý kórsetildi. Qalǵan ekeýinen bas tartyldy. Óıtkeni onda qujattar tolyǵymen bir tártipke keltirilmegen», - dep jaýap berdi Jaqselekova.
Odan qaı partıalar maquldanbaǵanyn naqtylaýdy surady.
«Bizde «Alǵa Qazaqstan» jáne «Halyq derbestigi» partıalarynyń qujattary birizdendirilmeýine baılanysty bas tartyldy», - dedi vıse-mınıstr.
Ol qazir Qazaqstanda túrli saıası partıalardy qurýǵa degen belsendiliktiń tómendeý sebebin suraqqa túsinikteme bergen joq.