Memleket basshysy shaǵyn formattaǵy kezdesý barysynda Malaızıany Qazaqstannyń Ońtústik-SHyǵys Azıadaǵy mańyzdy ári senimdi seriktesteriniń biri retinde atady, dep habarlaıdy almaty-akshamy.kz.
– Qazaqstan men Malaızıany uzaq jylǵy dostyq pen ózara yntymaqtastyq arqaýy baılanystyrady. Bizde bul baǵytta jaqsy dástúr qalyptasqan. Sondyqtan Sizdiń saparyńyz eki el arasyndaǵy baılanystardy odan ári damytýǵa tyń serpin beredi dep senemin. Biz kóptegen mańyzdy salalarda ózara yqpaldastyǵymyz ben yntymaqtastyǵymyzdy odan ári nyǵaıtý úshin qosymsha kúsh jumsaýǵa daıynbyz, – dedi Qasym-Jomart Toqaev.
Prezıdenttiń aıtýynsha, dıplomatıalyq qatynastar ornaǵan otyz jyl ishinde eki el arasynda ózara tıimdi yntymaqtastyqtyń berik negizi qalyptasty. Qazirgi geosaıası jáne ekonomıkalyq ahýalǵa baılanysty memleketterdiń qarym-qatynasyn odan ári nyǵaıtýdyń mańyzy arta tústi. Anýar Ibragım qurmet kórsetkeni úshin Memleket basshysyna alǵys aıtyp, bul saparǵa zor mán berip otyrǵanyn atap ótti. Astanaǵa ózimen birge úlken quramda kelgen Malaızıa delegasıasy sonyń aıqyn dáleli bolady.
Áńgimelesý barysynda Qasym-Jomart Toqaev pen Anýar Ibragım saıası, saýda-ekonomıkalyq, ınvestısıalyq jáne gýmanıtarlyq salalardaǵy yqpaldastyqty keńeıtý joldaryn qarastyrdy. Sondaı-aq taraptar óńirlik jáne halyqaralyq kún tártibindegi ózekti máseleler jóninde pikir almasty.
Anýar Ibragım Malaızıanyń Qazaqstanmen aradaǵy saýda-ekonomıkalyq yntymaqtastyqty nyǵaıtýǵa aıryqsha mán beretinin aıtty
– Biz damyp kele jatqan ekonomıkalyq qatynastardan barynsha paıda taba alamyz. Naqty usynystarymyz bar. Mınıstrlerińizben ımport jáne eksport máseleleri jóninde ekijaqty kezdesý ótkizýdi josparlap otyrmyz. Malaızıanyń taýarlar naryǵy orasan zor. Qazirgi kezde bizdiń elimiz kompúter chıpterin óndiretin óńirlik habqa aınaldy. Oǵan AQSH, Eýropa elderi, onyń ishinde Germanıa, sondaı-aq Qytaı aýqymdy ınvestısıa quıyp otyr. Biz óz tájirıbemizben bólisip, Sizdiń elde tabysty júzege asyrylǵan ózgeristerden úlgi alǵymyz keledi. Álbette, halal-ındýstrıa sekildi salalar da nazardan tys qalmaýy kerek. Sonymen qatar biz ıslam-bankınginiń perspektıvasyn qarastyramyz, – dedi Malaızıa Premer-mınıstri.
Kezdesý barysynda kólik-tranzıt, energetıka, qarjy jáne mádenı-gýmanıtarlyq salalardaǵy jan-jaqty seriktestiktiń múmkindikteri talqylandy.
Sonymen qatar taraptar BUU, IYU jáne AÓSSHK sekildi halyqaralyq qurylymdar aıasyndaǵy yntymaqtastyqty nyǵaıtýǵa múddeli ekenin bildirdi.
Budan keıin kelissózder keńeıtilgen quramda jalǵasty.