Ulttyq kıno ortalyǵy memlekettik qoldaýǵa úmitker kınojobalardy irikteý konkýrsynyń birinshi kezeńin qorytyndylady.
Kıno ortalyǵy konkýrstyq irikteýdiń birinshi kezeńi boıynsha qujat qabyldaýdy 18 sáýirde aıaqtady. Bıyl anımasıalyq, derekti jáne oıyn fılmderiniń ártúrli sanattary boıynsha birshama ótinim kelip tústi. Elektrondy túrde tirkelgen senarıler men senarıler josparlarynyń jalpy sany 465-ti qurady, dep habarlaıdy almaty-akshamy.kz.
Saraptama keńesiniń qaraýyna 375 senarı men senarı jospary usynyldy. Onyń ishinde oıyn fılmderi boıynsha 279 senarı, anımasıalyq fılmder 37 senarı, derekti fılmder boıynsha 59 senarı jospary bar.
Saraptama keńesi senarıler men senarı josparlarynyń aǵymdaǵy jyldyń qańtar aıynda jarıalanǵan basym taqyryptarǵa sáıkestigin, kınojobanyń senarıi nemese senarı josparynyń tujyrymdamasyn, sújet qurylymy men dramatýrgıa prınsıpterin, sonymen qatar senarıdiń tehnıkalyq tusyn, keıipkerlerdiń beınesiniń ashylýyn eskerdi.
Osylaısha, Saraptama keńesiniń oń qorytyndysyna ıe bolǵan 101 senarı men senarı jospary konkýrstyq irikteýdiń ekinshi kezeńine ótti.