Parıjdegi Olımpıada oıyndarynyń qatysýshysy, dzúdoshy Ábıba Ábýjaqanovaǵa taǵy bir kólik syıǵa tartyldy.
Óziniń Instagram paraqshasynda sportshy bul syılyqty ári qaraı toqtap qalmaýǵa jáne tynymsyz jumys isteýge taǵy bir yntalandyrý dep sanaıtynyn jazdy, dep habarlaıdy aqshamnews.kz.
«Men muny kóp jylǵy eńbegim, kúsh-jigerim, tókken terim jáne úzdiksiz jattyǵýlarym úshin marapat retinde qabyldaımyn», dep jazdy dzúdoshy.
Esterińizge sala keteıik, Ábıba Ábýjaqynova jazǵy Olımpıada oıyndarynda 5-shi oryn alǵan bolatyn. Ol aqtalmaǵan úmiti úshin Qazaqstan halqynan keshirim surady.
Eń birinshi bolyp dzúdoshyǵa «Respýblıka» partıasynyń tóraǵasy Aıdarbek Hodjanazarov kólik mingizse, keıin Atyraý oblysynyń ákimi de temir tulpardyń kiltin tabystaǵan edi.
Aıta keteıik, Ábıba Ábýjaqynova Parıj Olımpıadasynda 48 kg salmaq dárejesinde beldesti. Ol qola júldege talasta shvesıalyq Tara Babýlfattan jeńilip, besinshi oryn alǵan bolatyn. Ábýjaqynova Parıjde aralas komandalyq synǵa da qatysty. Bul saıysta Qazaqstan quramasy Brazılıadan 5:2 esebimen jeńilip qaldy. 57 kg salmaqta beldesetin dzúdoshy bolmaǵandyqtan, osy salmaqta Ábıba el namysyn qorǵap, Rafaela Sılvaǵa ese jibergen edi.