Almatyda respýblıkalyq jáne jergilikti mańyzy bar tarıhı ári mádenıet eskertkishteri jaryqtandyryldy
Almatyda «Taza Qazaqstan» respýblıkalyq baǵdarlamasy aıasynda respýblıkalyq jáne jergilikti mańyzy bar tarıhı ári mádenıet eskertkishterine túngi ýaqytta jaryq berý jumysy júrgizildi. Jumys qalanyń barlyq aýdandaryn qamtydy. Shara aıasynda 56 monýment pen búst te jaryqtandyryldy. Qosymsha jaryqtandyrý úshin 128 projektor ornatyldy, dep habarlaıdy aqshamnews.kz
«Almaty Qala Jaryq» MKK bas ınjeneri Álimuhamed Jalpaqov atap ótkendeı, músinder men keshenderdi jaryqtandyrýǵa búdjetten qosymsha qarajat bólý talap etilmedi.
«Bir jerde azǵantaı jaryq boldy, biz ony jaqsarttyq. Eskertkishter múldem jaryqtandyrylmaǵan jerde biz monýmentaldy qurylymnyń barlyq ulylyǵyn jaryqpen kórsetý úshin qolda bar resýrstardy qoldandyq. Qazir kóptegen qala turǵyndary men qonaqtary bul sulýlyqty sýretke túsirý jáne eske alý úshin qarańǵy ýaqytta eskertkishterge arnaıy keledi», - dep túsindirdi ol.
Kásiporyn qyzmetkerleri aýdan ákimdikterimen birlesip memorıaldar tizimin qalyptastyrdy. Tizimge Abaı, Ál-Farabı, Raıymbek batyr, Shoqan Ýálıhanov, Ahmet Baıtursynov, Dinmuhamed Qonaev eskertkishteri, Uly Otan soǵysynyń batyrlary men ınternasıonalıs-jaýyngerlerge, asharshylyq pen saıası qýǵyn-súrgin qurbandaryna arnalǵan birqatar memorıaldar, Almaty qalasynyń qutqarýshylaryna arnalǵan eskertkishter, «Qazaqstan» monýmentaldy-músindik kompozısıasy, Táýelsizdik monýmenti jáne t. b.
