Qulja tas jolynyń bir bóligine ortasha jóndeý jumystaryn júrgizýge baılanysty kólik qozǵalysyna ýaqytsha shekteý engiziledi.
23 tamyz saǵat 23.00-den 25 tamyz saǵat 07.00-ge deıin Rysqulov-Qulja tas jolynyń jolaıyryǵynan Halıýllın-Qulja tas jolynyń jolaıyryǵyna deıingi aýmaqta qozǵalys jabylady.
Soltústik baǵytta SHAAJ jáne Halıýllın kóshelerimen tek Talǵar tas joly arqyly júrýge bolady. Qulja kúre jolymen kólik qozǵalysy tek Rysqulov dańǵylynyń soltústik baǵytynda ǵana ashylady.
Jóndeletin aýmaqta eskertý belgileri, merdiger uıym basshysynyń baılanys nómiri jazylǵan stendter qoıylady.
Esterińizge sala keteıik, qozǵalysty shekteýge qatysty barlyq aqparat Almaty.kz saıtynda, @AlmatyJoly Telegram arnasynda, aýdandyq ákimdikter men basqarmalardyń áleýmettik jelilerinde, sondaı-aq 2GIS pen «Iandeks kartalar» servısterinde jazylǵan.
