Búginnen bastap Almatyda Abaı dańǵylyndaǵy avtobýstar jolaǵy metro qurylysyna baılanysty jabylady.
Bul týraly «Metropolıten» KMK baspasóz qyzmeti málimdedi, dep habarlaıdy Almaty-akshamy.kz
«Metro qurylysy kezinde topyraqty bekitý jumystarynyń bastalýyna baılanysty «Saryarqa» men «Momyshuly» beketteriniń aralyǵyndaǵy bólik 22-30 qarashada jabyq bolady. Iaǵnı, Abaı dańǵyly boıyndaǵy Saıyn men Momyshuly kósheleriniń aralyǵynda shyǵys baǵytta avtobýstarǵa arnalǵan jolaq kólik qozǵalysy úshin jabylady» delingen málimdemede.
«Metropolıten» qala turǵyndaryn qolaısyzdyqtarǵa túsinistikpen qarap, aınalma joldardy aldyn ala boljaýdy suraıdy.