Qazaqstannyń QMA Qostanaı oblysynda densaýlyq saqtaý nysandarynyń qurylysy kezinde zańsyz syıaqy alý faktisi boıynsha sotqa deıingi tergep-tekserýdi bastady, dep habarlaıdy almaty-akshamy.kz QMA baspasóz qyzmetine silteme jasap.
Qarjylyq monıtorıń agenttigi Qostanaı oblysynda densaýlyq saqtaý obektilerin salý kezinde zańsyz syıaqy alý faktisi boıynsha sotqa deıingi tergep-tekserýdi bastady.
"Avtorlyq qadaǵalaý tobynyń basshysy bopsalaý jolymen oryndalǵan jumystar aktilerine jáne paıdalanýǵa berý aktilerine kedergisiz qol qoıǵany úshin "Aýyldyq densaýlyq saqtaýdy jańǵyrtý" Ulttyq jobasy sheńberinde dárigerlik ambýlatorıalar salýdy júzege asyratyn kompanıanyń bas ınjenerinen 9 000 000 teńge mólsherinde zańsyz syıaqy alǵany anyqtaldy", - dep jazdy QMA baspasóz qyzmeti.
Tergeý áreketteri barysynda kúdikti qolma-qol aqsha alý kezinde ustaldy.
Zańsyz syıaqy mólsheri kórsetilgen obektilerdi salý qunynyń jalpy somasynyń 1% - quraıdy.
Sotqa deıingi tergeý jalǵasýda.
QR QPK 201-babynyń talaptaryna sáıkes ózge de málimetter jarıa etilýge jatpaıdy.
QR Konstıtýsıasynyń 77-babynyń 3-tarmaǵynyń 1-tarmaqshasyna jáne QR Qylmystyq-prosestik kodeksiniń 19-babynyń 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árkim kinásiz dep esepteledi.