Áleýmettik jelide Iraktaǵy 9 jastaǵy qyz ben 35 jastaǵy er adamnyń úılený toıynyń beınesi tarady, dep habarlaıdy aqshamnews.kz
Derekkóz málimetinshe, bul toı – Irakta erte nekelesýge berilgen ruqsattan keıin ótken alǵashqy úılený rásimi. 35 jastaǵy er adam úılený toıyn el parlamenti neke jasyn 18-den 9 jasqa deıin tómendetýdi maquldaǵannan keıin uıymdastyrǵan.
Eske salsaq, buǵan deıin The Guardian basylymy 2024 jyly Irakta neke jasyn tómendetý týraly zań usynylǵanyn jazǵan edi. Zań jobasyn jaqtaýshylar bul tájirıbeni ıslamdyq dástúrlermen sáıkestendirip, ony zańdastyrý qajet ekenin alǵa tartyp otyr.
Byltyr Iraktyń basqarý keńesi jeke statýs týraly zańdy qaıta qaraýdy usynǵan bolatyn. Jańa túzetýler 1959 jylǵy zańdy, ıaǵnı neke jasyn 18 jas dep belgilegen zańdy joıýdy kózdegen.