Qazaqstannyń bes óńirinde áskerı qalashyqtardyń qurylysy jalǵasýda.
Semeı, Aqtóbe, Shymkent, Qonaev jáne Atyraýda Qarýly kúshterdiń ofıserleri men kelisimshart boıynsha áskerı qyzmetshilerge arnalǵan kóp páterli modýldi turǵyn úıler salynyp jatyr, dep habarlaıdy aqshamnews.kz.
Sonymen qatar, Qorǵanys mınıstrliginiń málimetinshe, 7 áskerı qalashyqta 58 myń sharshy metrden asa alańǵa beton asfált tóselgen.
Turǵyn úı-turmystyq jaǵdaıdy jaqsartý maqsatynda jańa jóndeýden ótken turǵyn úıge erekshe kútimdi qajet etetin balalar ósirip otyrǵan otbasylar qonystanǵan.
Buǵan qosa 2024 jyly áskerı qyzmetshiler Qazaqstannyń ár óńirinen 328 páterdi jekeshelendirdi.
Qonaev qalasynda «Baldáýren» balalardy saýyqtyrý ortalyǵynyń qasbetteri jóndelip, fýtbol jáne voleıbol alańdaryna qorshaý ornatyldy, jazǵy asqanany jóndeý jumystary júrgizilýde.